ᑭᐄᑎᓄᐠ Ontario ᐊᐦᑭᐃᐏᑭᐡᑎᑫᐏᓂᐠ, ᓂᐱᐃᐏᑭᐡᑎᑫᐏᓂᐠ ᐁᑿ ᒦᒋᒥᐦᑫᐏᓂᐠ ᐄᒫ ᐸᑫᐏᓂᐠ ᐅᓇᒋᑫᐏᓇᐣ ᑫᐟᔑᒋᑳᑌᑭᐣ ᐅᔑᐲᐦᐄᑫᐏᓇᐣ

ᐅᑵᓂᐘᐣ ᐅᒪᐊ ᑕᑕᔑᒋᑳᑌᐘᐣ

  1. ᑫᑯᓀᐣ ᑳᐏᒋᒫᐘᒋᐦᐄᑎᓈᓂᐘᐠ ᐅᒫ
  2. ᑲᑵᑎᐍᐏᓇᐣ ᑫᐏᒋᐑᒋᐦᐄᐍᓭᐠ
  3. ᑲᑵᑎᐍᐏᓇᐣ ᑫᒫᒥᑐᓀᐣᒋᑳᑌᑭᐣ
  4. ᑮᐄᑎᓄᐠ Ontario ᐊᐦᑮᐏᑭᐡᑎᑫᐏᓂᐠ, ᓂᐲᐏᑭᐡᑎᑫᐏᓂᐠ ᐁᑿ ᒦᒋᒥᐦᑫᐏᓂᐠ: ᐄᒫ ᐸᑫᐦᐄ ᐑᑕᒫᑫᐏᓇᐣ
  5. ᑫ˙ᐄᔑᑲᐡᑭᑕᒫᓯᓈᓂᐘᐠ ᑫᑐᒋᑳᑌᑭᐣ ᐅᓇᒋᑳᑌᐘᐣ
  6. ᑭᐸᐦᐄᑫᐏ ᐑᑕᒫᑫᐏᓇᐣ
  7. ᐋᐣ ᑫᑮᔑᑲᑵᑎᐍᓈᓂᐘᐠ ᐄᑵᓂᐘᐣ ᑕᔑᒋᑫᐏ ᐅᔑᐲᐦᐄᑫᐏᓇᐣ ᐁᑿ ᒦᓇ ᐊᐦᐱᐣ ᑫᔭᓂᑐᒋᑳᑌᐠ
  8. ᐊᔑᒋ ᐅᔑᐲᐦᐄᑫᐏᓇᐣ

ᑫᑯᓀᐣ ᑳᐏᒋᒫᐘᒋᐦᐄᑎᓈᓂᐘᐠ ᐅᒫ

ᐅᒫ ᑭᐍᑎᓄᐠ Ontario ᐊᐦᑮᐏᑭᐡᑎᑫᐏᓂᐠ, ᓂᐲᐏᑭᐡᑎᑫᐏᓂᐠ ᐁᑿ ᒦᒋᒥᐦᑫᐏᓂᐠ ᐱᒨᒋᑫᐏᓂᐠ ᓃᐚ ᑭᒋᒥᑖᓱᒥᑕᓇ ᐊᓄᐦᑮᐏᓇᐣ ᑕᑿᓅᐣ ᐁᑿ ᐑᒋᐦᐄᐍᓭ ᒋᐏᒋᒥᓄᓭᐠ ᐄᒫ ᒦᒋᒪᐣ ᐱᒧᒋᑫᐏᓂ᙮ ᐄᐍ ᐱᒧᒋᑫᐏᐣ ᐊᓄᐦᑮᐏᓇᐣ ᐅᒋᑕᑿᓅᐣ, ᐊᐘᔑᒣ ᓃᔤᒥᑖᓱᒥᑕᐣ million ᒥᓂᑯᐠ ᔔᓂᔮᐣ ᐅᒋᐑᑯᐱᒋᑫᓭ ᐄᒫ ᐊᐦᑮᐏᑭᐡᑎᑫᐏᓂᐠ ᐁᑿ ᓂᐲᐏᑭᐡᑎᑫᐏᓂᐠ ᐁᐦᑕ᙮ ᐅᑯᒫᐏᓂᐠ ᐅᑭᑫᐣᑖᓈᐚ ᑳᔭᐲᒋᐋᓂᒥᓭᓂᐠ ᐅᐍᓂ ᒋᑑᒋᑳᑌᓂᐠ ᐄᒫ ᑮᐍᑎᓄᐠ Ontario, ᐁᑿ ᑕᐡ ᐁᐑ ᑫᒋᓈᐦᐅᐚᐨ ᒋᒥᓄᐱᒨᒋᑳᑌᓂᐠ ᐁᑿ ᒋᐚᐍᓇᒋᑳᑌᑭᐣ ᐊᐘᔑᒣ ᑫᑮᐏᒋᒥᓄᓭᐠ ᑌᐱᓂᑫᐏᓇᐣ ᐄᒫ ᐅᐍᑎ ᓃᑳᓃᐠ᙮

Ontario ᐅᑭᒫᐏᓂᐠ ᐱᒧᒋᑫᐏᓂᐠ ᑭᐡᑎᑫᐏᓂᐠ, ᒦᒋᒥᐠ ᐁᑿ ᐱᑿᒋᔭᐦᐄᐠ ᐱᒧᒋᑫᐏᓂᐠ ᐅᓃᑳᓃᑖᓈᐚ ᐅᓇᐦᒋᑫᐏᓇᐣ ᑫᐏᒋᐑᒋᐦᐄᐍᓭᓂᑭᐣ ᐊᐘᔑᒣ ᑫᔭᓅᒋᒪᐡᑲᐑᒪᑲᐠ ᐊᐦᑮᐏᑭᐡᑎᑫᐏᓂᐠ, ᓂᐲᐏᑭᐡᑎᑫᐏᓂᐠ ᐁᑿ ᒦᒋᒥᐦᑫᐏᓂᐠ ᐱᒨᒋᑫᐏᓂᐠ ᐅᒫ ᑭᐄᑎᓄᐠ Ontario᙮ ᒣᒁᐨ ᑕᐡ OMAFRA, ᐁᑿ ᑯᑕᑭᔭᐠ ᐅᑯᒫᐏᓈᐠ ᑑᑳᐣ ᐅᓅᑕᓯᓃᐠ (MNDM), ᐅᐑᒋᐦᐋᐚᐣ ᐊᐦᑮᐏᑭᐡᑎᑫᐏᓂᐠ, ᓂᐲᐏᑭᐡᑎᑫᐏᓂᐠ ᐁᑿ ᒦᒋᒥᐦᑫᐏᓂᐠ ᐱᒨᒋᑫᐏᓂᐠ ᐅᒫ ᑭᐄᑎᓄᐠ Ontario ᒦᔒᓂᐘᔦᐠ ᑑᑳᐣ ᑲᓈᓯᒥᐍᐏᓂᐠ, ᔔᓂᔮᐏᐑᒋᐦᐄᐍᐏᓂᐠ, ᒪᒫᑖᐚᐱᑯᐠ ᒫᐘᑐᐘᓯᓇᐦᐄᑫᐏᓂᐠ, ᒣᒣᒋᑳᒋᑫᐏᓂᐠ ᐁᑿ ᐱᒥᓈᓈᑲᑕᐍᐣᒋᑫᐏᓂᐠ᙮ ᐄᒫ ᐸᐦᑫ ᐱᒧᒋᑫᐏᓂᐠ ᑫᑑᒋᑳᑌᐠ ᑕᐏᒋᐑᒋᐦᐄᐍᓭ ᐄᒫ ᐑᒋᐦᐄᐍᐏᓇᐣ ᐋᔕ ᑳᐄᔑᑕᑿᑭᐣ ᒋᐏᒋᐊᐘᔑᒣ ᒪᐡᑲᐑᒪᑲᑭᐣ ᐱᒧᒋᑫᐏᓇᐣ ᐄᒫ ᑮᐍᑎᓄᐠ Ontario.

ᐅᒫ ᑭᐄᑎᓄᐠ Ontario ᐊᐦᑮᐏᑭᐡᑎᑫᐏᓂᐠ, ᓂᐲᐏᑭᐡᑎᑫᐏᓂᐠ ᐁᑿ ᒦᒋᒥᐦᑫᐏᓂᐠ ᐱᒨᒋᑫᐏᓂᐠ (ᐱᒨᒋᑫᐏᓂᐠ) ᑕᐏᒋᐱᒥᑭᐣ ᐅᓇᐦᒋᑫᐏᓂᐠ ᐄᒫ ᑮᐍᑎᓄᐠ Ontario (GPNO), ᐱᒧᒋᑫᐏᓂᐠ ᐘᐍᓈᑯᓂᑫᐏᓂᐠ ᐄᐍ ᑳᐏᒋᓃᑳᓃᑕᒫᑫᒪᑲᐠ ᐅᓊᐣᒋᑫᐏᐣ ᐁᑿ ᐸᑭᑎᓂᑫᐏᓇᐣ ᐅᓇᒋᑫᐏᓇᐣ ᐄᒫ ᑮᐍᑎᓄᐠ Ontario ᒥᓂᑯᐠ 2036. ᐊᐦᑮᐏᑭᐡᑎᑫᐏᓂᐠ, ᓂᐲᐏᑭᐡᑎᑫᐏᓂᐠ ᐁᑿ ᒦᒋᒥᐦᑫᐏᓂᐠ ᐱᒨᒋᑫᐏᓂᐠ ᑮᐏᒋᑭᑭᓇᐚᐸᒋᑳᑌ ᐄᐍ ᐯᔑᐠ ᐯᔑᑯᔖᑊ ᑳᑕᓯᑭᐣ ᑳᐊᓂᑫᒋᐍ ᓈᑿᑭᐣ ᒫᐘᐨ ᐁᑭᒌᓀᐣᑖᑿᑭᐣ ᐊᓄᐦᑮᐏᐱᒧᒋᑫᐏᓂᐠ ᑫᐄᔑᐱᒥᑭᐠ ᐅᓇᐦᒋᑫᐏᓇᐣ᙮

ᒣᒁᐨ 2013, ᐅᑯᒫᐏᓂᐠ ᐅᓃᑳᓃᑕᒫᑫ (Premier Wynne) ᐅᑮᒪᐏᓀᐦᐋᐣ ᐄᐍᓂ ᑭᐡᑎᑫᐏᒦᒋᒪᐣ ᐱᒧᒋᑫᐏᓂᐠ ᓃᔤ ᒥᓂᑯᐠ ᒋᐊᐲᒋᑭᔒᐱᒥᑭᓂᓂᐠ ᐁᑿ 120,000 ᐅᐡᑭᐊᓄᐦᑮᐏᓇᐣ ᒋᐏᒋᐅᐡᑐᐚᐨ ᐊᐦᐲ 2020 ᐊᐦᑮᐘᐠ᙮ ᐅᒫ ᐊᐦᑮᐏᑭᐡᑎᑫᐏᓂᐠ, ᓂᐲᐏᑭᐡᑎᑫᐏᓂᐠ ᐁᑿ ᒦᒋᒥᐦᑫᐏᓂᐠ ᐱᒨᒋᑫᐏᓂᐠ ᐅᒫ ᑭᐄᑎᓄᐠ Ontario ᑕᑮ ᐊᓄᐦᑮᓭ ᒋᑌᐱᓂᑳᑌᐠ ᐄᐍᓂ ᐅᑯᒪᐊᑵ ᑳᐄᔑᒪᐍᓂᐦᐊᐠ ᑫ˙ᐄᔑᓇᑭᓭᓂᑭᐣ ᐊᓄᐦᑮᐏᓇᐣ᙮

ᒣᒁᐨ 2014, ᐅᑯᒫᑵ ᐅᑐᑯᒫᐘᓯᓇᐦᐄᑲᐣ ᑳᑮᒪᓯᓇᐦᐊᒹᐃᐣ ᐄᑵᓂᐘᐣ OMAFRA ᑮᐄᑭᑐ ᐅᑯᒫᐏᓈᐠ ᒋᐑᑕᓃᑮᒫᐚᒋᐣ ᐹᐸᑳᐣ ᐅᑯᒫᐏᓇᐣ ᐁᑿ ᐸᑳᐣ ᑲᔦ ᐅᐱᒧᒋᑫᐣ ᒋᐑᑕᓄᐦᑮᒫᐚᒋᐣ ᒋᒣᒣᒋᑳᑐᐚᐨ ᑫᐄᔑᐅᓇᐦᑐᐚᐨ ᐊᐦᑮᐏᑭᐡᑎᑫᐏᓂᐠ ᐱᒧᒋᑫᐏᓂᐠ ᐄᒫ ᑮᐍᑎᓄᐠ᙮

OMAFRA ᐅᑕᓄᐦᑳᑖᓈᐚ ᒋᐑᑕᓄᐦᑮᒥᑐᓈᓂᐘᐠ ᐘᐍᓇᒋᑳᑌᐠ ᐄᐍ ᐱᒧᒋᑫᐏᐣ ᐁᑿ ᒋᐯᔑᒋᐑᑕᓄᐦᑮᒥᑐᐚᐨ ᐅᐱᒧᒋᑫᐠ ᐅᑯᒫᐏᓂᐠ MNDM, ᐊᒥᑯᑯᒫᐏᓂᐠ ᐁᑿ ᒥᐦᑎᑯᑯᒫᐏᓂᐠ (MNRF), ᐊᐦᑭᐃᐏ ᐅᑯᒫᐏᓂᐠ ᐁᑿ ᑳᐄᔑᐋᔮᒋᐄᔑᐍᐸᐠ ᐊᑿᒌᐠ ᓈᓇᑲᒋᒋᑫᐏᐣ (MOECC) ᐁᑿ ᑯᑕᑭᔭᐠ ᑳᐄᔑᓇᑕᐍᐣᑖᑯᓯᐚᐨ, ᑫᐏᒋᐅᐡᒋᑳᑌᐠ᙮

ᐄᒫ ᑫ˙ᐄᔑᑐᒋᑳᑌᐠ ᐱᒧᒋᑫᐏᓂᐠ ᑖᐄᔑ ᑲᓇᐚᐸᒋᑳᑌ ᒋᐘᐍᓇᒋᑳᑌᐠ ᑫ˙ᐃᔑ ᐅᐡᒋᑳᑌᐠ ᐁᑿ ᑫᐏᒋᐱᒥᑭᐠ ᐄᒫ ᐊᐦᑮᐏᑭᐡᑎᑫᐏᓂᐠ, ᓂᐲᐏᑭᐡᑎᑫᐏᓂᐠ ᐁᑿ ᒦᒋᒥᐦᑫᐏᓂᐠ ᐱᒨᒋᑫᐏᓂᐠ ᐅᒫ ᑭᐄᑎᓄᐠ Ontario ᐄᒫ ᐊᓄᐦᑮᐏᓂᐠ, ᐑᒋᐱᒫᑎᓰᒥᑐᐏᓂᐠ ᐁᑿ ᐊᐦᑮᐏᐱᒫᒋᐦᐅᐏᓂᐠ ᑑᑳᐣ᙮ ᑕᐏᒋᑿᔮᑎᓂᑫᓭᒪᑲᐣ ᐘᐍᓇᒋᑫᐏᐣ ᑫᐏᒋᐚᐸᒋᑳᑌᐠ ᐁᑿ ᑫᐏᒋᐘᐍᓂᓂᑳᑌᐠ ᐅᑯᒫᐏᓂᐠ ᐑᒋᐦᐃᐍᐏᓂᐊᐣ ᐋᐣᑎ ᑳᐄᔑᓇᑕᐍᐣᒋᑳᑌᑭᐣ ᑭᑭᓇᐚᒋᒋᑲᓇᐣ ᐁᑿ ᒋᐏᑖᐱᓂᑳᑌᑭᐣ ᐱᒧᒋᑫᐏᓇᐣ ᑳᓈᑿᑭᐣ᙮ ᑖᐱᐡᑯᐨ ᑫᑐᒋᑳᑌᐠ ᐱᒧᒋᑫᐏᓇᐣ ᑕᐏᒋᓭᒪᑲᐣ ᑫᐏᒋᐘᐍᓇᒋᑳᑌᑭᐣ ᑫᑰᓇᐣ ᐍᑎ ᐊᐦᐱᐣ ᒥᓂᑯᐠ ᐄᔑ ᐊᐦᑮᐘᐠ 2036, ᑭᒌᓀᐣᑖᑿᐣ ᑕᐡ ᐄᐍ ᑑᑕᒧᐏᓇᐣ ᑫ˙ᐄᔑ ᐘᐍᓇᑌᑭᐣ ᒋᐱᒥᐋᔮᑎᓭᑭᐣ ᒣᒁᐨ ᑫᑯᓇᐣ ᑳᐄᔑᐋᐋᔮᑎᓭᑭᐣ ᐊᐦᑯ ᐁᑿ ᒋᑭᑭᓇᐚᒋᒋᑳᑌᑭᐣ ᑌᐱᓂᑫᐏᓇᐣ ᐄᒫ ᐱᒧᒋᑫᐏᓂᐠ ᑭᓂᐍᐡ ᐱᒥᓭᐠ ᐊᒦ ᑕᐡ ᑭᐱᒫᑎᓰᒪᑲᐠ ᐅᑵᓂᐘᐣ ᐅᓇᒋᑫᐏ ᐅᔑᐲᐦᐄᑫᐏᓇᐣ᙮

ᐅᒫ ᑭᐄᑎᓄᐠ Ontario ᐊᐦᑮᐏᑭᐡᑎᑫᐏᓂᐠ, ᓂᐲᐏᑭᐡᑎᑫᐏᓂᐠ ᐁᑿ ᒦᒋᒥᐦᑫᐏᓂᐠ ᐱᒨᒋᑫᐏᓂᐠ ᑕᒦᑵᓈᓂᐘᐣ ᐹᓂᒫ 2016 ᐊᐦᑮᐘᐠ᙮

ᑲᑵᒋᒥᑐᐏᓇᐣ ᐁᑿ ᐑᑕᒫᑫᐏᓇᐣ

ᐊ'ᐣ ᑫ'ᐄᑭᑐᐚᑵᐣ ᑳᐑᑕᓄᐦᑮᒥᑐᐚᐨ ᑲᑭᓇ ᒫᐘᐨ ᑕᑭᒌᓀᐣᑖᑿᐣ ᐊᐦᐲ ᐑᐘᐍᓇᒋᑳᑌᐠ ᒫᐘᐨ ᑫᒥᓄᓭᐠ ᐊᓄᐦᑮᐏ ᐘᐍᓇᒋᑫᐏ ᐱᒧᒋᑫᐏᓇᐣ ᐄᒫ ᐊᐦᑮᐏᑭᐡᑎᑫᐏᓂᐠ, ᓂᐲᐏᑭᐡᑎᑫᐏᓂᐠ ᐁᑿ ᒦᒋᒥᐦᑫᐏᓂᐠ ᐱᒨᒋᑫᐏᓂᐠ ᐅᒫ ᑭᐄᑎᓄᐠ Ontario᙮

ᐅᐍ ᑕᔑᒋᑫᐏ ᒪᓯᓇᐦᐄᑲᓃᑭᐣ ᑕᐏᒋᒫᒋᓭ ᒥᔒᐣ ᒫᐘᒋᐦᐄᑐᐏᓇᐣ ᑫᑯᓇᐣ ᑫᐅᒋᑕᔑᒋᑳᑌᑭᐣ ᐄᑵᓂᐘᐠ ᑫᐑᑕᓄᑮᒥᑐᐚᐨ ᐄᐍᓂ ᑑᑳᐣ ᐊᐦᑮᐏᑭᐡᑎᑫᐏᓂᐠ ᐁᑿ ᓂᐲᐏᑭᐡᑎᑫᐏᓂᐠ ᑳᑕᓇᓄᐦᑮᐚᐨ, ᒥᒋᒥᐠ ᐁᑿ ᒥᓂᑵᓂᐠ ᐅᑑᐡᒋᑫᐠ, ᐊᐦᑮᐏᑭᐡᑎᑫᐏᓂᐠ ᑳᐄᔑᑭᓂᐱᓂᑖᐏᑯᒋᑫᐚᐨ ᐁᑿ ᑯᑕᑭᔭᐠ ᐊᐏᔭᐠ ᑳᐑᐑᒋᑢᐚᐨ ᑑᑳᐣ ᐊᐦᑮᐏᐱᒧᒋᑫᐏᓂᓂᐘᐠ᙮ ᐅᐍ ᑕᔑᒋᑫᐏ ᒪᓯᓇᐦᐄᑲᓃᑭᐣ ᑲᔦ ᐊᓂᔑᓇᐊᐯᐠ ᐁᑿ ᐅᑯᒫᐏᓀᐦᓴᐣ ᑫᐏᒋᐊᔭᒥᐦᐄᑐᐚᐨ ᐑᑕᓄᐦᑮᒥᑎᓄᐠ᙮ ᐅᑯᒫᐏᐣ ᐅᓂᓯᑕᐏᓈᓈᐚ, ᐁᑿ ᐅᑲᑵᑌᐱᓈᐚ, ᒥᐡᑕᐦᐄ ᑭᑫᐣᑕᒫᐏᓂᓂ ᐄᐍᓂ ᐊᐦᑮᐏᑭᐡᑎᑫᐏᓂᐠ, ᓂᐲᐏᑭᐡᑎᑫᐏᓂᐠ ᐁᑿ ᒦᒋᒥᑫᐏᓂᐠ ᑳᑕᑿᑭᐣ ᐄᒫ ᑮᐍᑎᓄᐠ Ontario. ᐅᑭᑭᐁᐣᑕᒫᐏᓂᐚ ᐊᓂᔑᓈᐯᐠ ᐁᑿ ᑳᐑᑕᓄᐦᑮᒫᐚᒋᐣ, ᑑᑳᐣ ᑳᔮᔑ ᐊᐦᑮᐏᑭᑫᐣᑕᒫᐏᓇᐣ, ᑲᔦ ᑕᐡ ᐄᑵᓂᐘᐠ ᑫᑿᔮᑎᓇᒧᐚᐨ ᒥᔒᓂᐘᐠ ᐊᐦᑮᐏᑭᐡᑎᑫᐏᓂᐠ ᐅᐱᒧᒋᑫᐠ ᐁᑿ ᐁᑳᑳᔔᓂᔮᑫᐚᐨ ᐅᐱᒧᒋᑫᐠ ᑑᑳᐣ ᐱᑿᒋᔭᐦᐄᐠ ᑳᑕᔑᒪᒫᑖᐏ ᐊᐦᑮᐏᑭᐡᑎᑫᐚᐨ, ᑮᐍᑎᓄᐠ Ontario ᐅᒪᒫᑖᐏᑭᐡᑎᑫᐠ ᑳᐑᑕᓄᐦᑮᒥᑐᐚᐨ ᐁᑿ ᐱᓀᓯ'ᐏᐚᔕᐦᐋᐠ (Thunder Bay) ᐊᐦᑮᐏᑭᐡᑎᑫᐏᓂᐠ ᒣᒣᒋᑳᒋᑫᐏᐣ, ᑕᐏᒋᑭᒌᓀᐣᑖᑿᓅᐣ ᐘᐍᓇᒋᑳᑌᑭᐣ ᑫᑑᒋᑳᑌᐠ ᐱᒧᒋᑫᐏᐣ᙮

ᑲᓂᓇ ᑲᔦ ᐊᐏᔭᐠ ᑕᑮ ᐄᓯᓭ ᑫᑯᓂᓂ ᐚᐄᑭᑐᐚᑵᐣ ᐅᒫ ᑳᐄᔑᒪᓯᓇᐦᐄᑳᑌᓂᐠ ᑫᑯᓇᐣ ᒥᔒᓂᐘᔦᐠ ᑕᑮᐏᒋᓭᓂ ᑫᐏᒋᑲᓄᑕᒧᐚᐨ᙮ ᐑᒋᑳᑌ ᑕᐡ ᐋᐣ ᑫᑮᐏᒋ ᑕᔑᑕᐠ ᐄᐍᓂ ᐊᐏᔭ ᐄᒫ ᒪᓯᓇᐦᐄᑲᓃᑭᓂᐠ ᓃᐏᔖᑊ (14) ᑕᑿᐣ ᐄᐍ᙮

···········

ᑲᑵᑎᐍᐏᓇᐣ ᑫᒫᒥᑐᓀᐣᒋᑳᑌᑭᐣ

ᒣᒁᐨ ᑕᐡ ᐁᒣᒣᒋᑳᑐᔭᐣ ᐅᐍ ᑕᔑᒋᑫᐘᓯᓇᐦᐄᑲᐣ, ᐅᑵᓂᐘᐣ ᑲᑵᑎᐍᐏᓇᐣ ᒫᒥᑐᓀᐣᑕᓂᐣ᙮ ᑫ˙ᐄᑭᑐᐚᐨ ᐁᑿ ᑫ˙ᐄᔑᐑᒋᑢᐚᐨ ᑳᐑᑕᓄᐦᑮᒥᑐᐚᐨ ᒫᐘᐨ ᑕᓇᑕᐍᐣᑖᑿᐣ ᐊᐦᐱᐣ ᐅᐍ ᐘᐍᓇᒋᑳᑌᐠ ᑫᑐᒋᑳᑌᐠ ᐱᒧᒋᑫᐏᐣ᙮

  1. ᑫᑯᓀᐣ ᑫᑕᑿᐠ ᑫᓂᑖᐏᑯᒋᑳᑌᐠ ᐊᐦᑮᐏᑭᐡᑎᑫᐏᓂᐠ, ᓂᐲᐏᑭᐡᑎᑫᐏᓂᐠ ᐁᑿ ᒦᒋᒥᑫᐏᓂᐠ ᐄᒫ ᑮᐍᑎᓄᐠ?
  2. ᐊᐘᓀᐣ ᑕᐡ ᒫᐘᐨ ᑫᓇᐦᐄᐨ ᐅᑵᓂᐘᐣ ᑌᐱᓂᑫᐏᓇᐣ ᒋᐘᐍᓇᑐᒋᐣ?
  3. ᐋᐣ ᑕᐡ ᑫᐏᒋᒥᓄᓭᐠ ᐅᒋᐱᒥᑮᒪᑲᐠ ᐅᐍ ᑐᑕᒧᐏᓇᐣ?
  4. ᑫᓄᓀᓇᐣ ᑫᐏᒋᒥᒋᒥᓭᐠ ᑲᑵᐱᒥᑭᐠ ᐅᐍ ᐱᒧᒋᑫᐏᐣ᙮
  5. ᐊ'ᐣ ᑫᑐᑕᒧᐚᐨ ᑳᐱᒧᒋᑫᐚᐨ ᒋᑕᔑᐱᒥᑭᓂᓂᐠ ᐅᐍᓂ ᑫᐄᔑ ᒥᓄᓭᓂᐠ (ᑑᑳᐣ ᐑᒋᐱᒫᑎᓰᒥᑐᐏᓂᐠ ᐁᑿ ᐊᐦᑮᐏᐱᒧᒋᑫᐏᓂᐠ)
  6. ᐊ'ᐣ ᑕᐡ ᑫᑮᑐᑕᒧᐚᐨ ᑳᐱᒧᒋᑫᐚᐨ ᐁᑿ ᐅᑯᒫᐏᐣ ᒋᐑᒋᑐᐚᐨ ᒋᐱᒥᑭᓂᓂᐠ ᑲᐡᑭᑕᒫᓱᐏᓇᐣ ᑫ'ᐄᔑ ᓇᐦᐄᓈᑿᓂᓂᐠ ᑳᐄᔑ ᐏᓇᑌᓂᑭᐣ ᑫᑐᒋᑳᑌᐠ ᐱᒧᒋᑫᐏᐣ᙮
  7. ᐊ'ᐣ ᑫᑐᑕᒧᐚᐨ ᐅᐱᒧᒋᑫᐠ ᐁᑿ ᐅᑯᒫᐏᐣ ᑫᐏᒋᐑᒋᐦᐋᐚᒋᐣ ᐊᓂᔑᓈᐯᐣ ᒋᐑᒋᑢᓂᐨ ᐅᒫ ᑫᑐᒋᑳᑌᐠ ᐱᒧᒋᑫᐏᐣ ᐊᓄᐦᑮᐏᓂᐠ᙮

ᐅᒫ ᑭᐄᑎᓄᐠ Ontario ᐊᐦᑮᐏᑭᐡᑎᑫᐏᓂᐠ, ᓂᐲᐏᑭᐡᑎᑫᐏᓂᐠ ᐁᑿ ᒦᒋᒥᐦᑫᐏᓂᐠ : ᐱᒨᒋᑫᐏᓂᐠ ᑭᐡᑎᑫᐏᓂᐠ ᐑᑕᒫᑳᑌ ᐄᐍ

ᐊᐦᐲ ᐅᒋ 2011, ᒥᐡᑕᐦᐃᐃ ᐊᐦᑭ ᓈᐣᑕ ᐃᑯ ᐯᔑᐠ million acres ᑭᐡᑎᑫᐏᐊᐦᑭ ᐅᒫ ᑮᐍᑎᓄᐠ Ontario ᑮᑕᑿᐣ, ᓈᐣᑕ ᑕᐡ 703,000 acres ᒥᓂᑯᐠ ᐊᓄᐦᑮᒪᑲᐣ, ᒦᐍ ᒫᐘᑐᐘᓯᓇᐦᐄᑲᐣ ᑭᐡᑎᑫᐏᓂᐠ ᐄᑭᑐᒪᑲᐣ᙮ ᐅᒫ ᑕᐡ ᓈᐣᑕ ᓃᔢ ᑭᒋᒥᑖᓱᒥᑕᐣ ᓂᑯᑢᔁᒥᑖᓱᒥᑕᓇ ᑮᑕᓯᓅᐣ ᐊᐦᑮᐏ ᑭᐡᑎᑫᐏᓇᐣ, ᒥᑖᓱᒥᑕᓇ ᓵᑲᓱᒥᑕᐣ ᓃᔑᐣ million ᑕᐦᔁᐱᐠ ᑮᔓᓂᔮᑫᓭ (2011 ᒫᐘᑐᐘᓯᓇᐦᐄᑲᐣ). (2011 Census). ᐄᓀᐣᒋᑳᑌ ᑕᐡ ᑭᔮᐱᐨ ᐊᐦᑭ ᐁᑕᑿᐠ ᐅᒫ ᒥᓯᐍ ᑮᐍᑎᓄᐠ Ontario ᑫᑮᑕᔑᑭᐡᑎᑫᓈᓂᐘᑯᐸᓀᐣ ᑲᔦ ᐁᑿ ᑫᑮᐏᒋᐊᓄᐦᑮᓭᑭᐸᐣ, ᔖᑯᐨ ᒣᒣᒋᑳᒋᑳᑌᑭᐸᐣ ᐁᑿ ᐘᐍᓇᒋᑳᑌᑭᐸᐣ ᒋᑭᐡᑎᑳᓇᓯᓇᐦᐄᑳᑌᐠ ᐄᐍ ᐊᐦᑭ ᒥᓯᐍ ᑮᐍᑎᓄᐠ Ontario ᓇᑕᐍᐣᑖᑿᐣ ᒋᑐᒋᑳᑌᐠ᙮ ᐄᒫ ᒐᑳᓯᑲᐣ 1.0 ᓈᑿᐣ ᑳᑕᓯᑭᐣ ᑭᐡᑎᑳᐊᐦᑮᐣ ᑳᑕᓯᑭᐣ ᐁᑿ ᐋᐣ ᒥᓂᑯᐠ ᐁᔓᓂᔮᑫᓭᑭᐣ ᐄᒫ ᑌᑎᐸᐦᐄ ᑮᐍᑎᓄᐠ Ontario, ᐄᒫ ᐑᒋᑫᒪᑲᐣ 2011 ᒫᐘᑐᐘᓯᓇᐦᐄᑲᐣ ᐑᑕᒫᑫᐘᓯᓇᐦᐄᑲᓂᐠ᙮

ᐋᐣ ᐅᑕᐑᐣ ᑳᑕᓯᑭᐣ ᑭᐡᑎᑳᓇᐦᑮᐣ ᐅᒫ ᑌᑎᐸᐦᐄ ᐸᑮ ᐁᐄᓀᐣᑖᑿᐠ ᑳᑕᓯᑭᐣ ᒥᓯᐍ ᐅᒫ ᐊᐦᑮᐠ Ontario, ᑮᐍᑎᓄᐠ Ontario ᐅᑕᔮᓇᐣ:

  • ᐏᔮᓱ ᒦᒋᒥᑫᐏᓇᐣ ᐊᐘᔑᒣ ᒥᐡᑕᐦᐄ ᐊᐲᒋᐑᐣ ᐍᑎ ᐚᐸᓄᐠ ᐊᐦᑮᐏᓂᐠ ᑳᑐᑕᒧᐚᐨ ᐅᒫ Canada
  • ᒎᒎᔖᐴᑫᐏᓂᐠ ᐯᔑᑿᐣ ᑳᔭᐦᐲᒑᐠ ᐄᐍ ᐊᐦᑭ New Brunswick
  • ᑲᑮᑖᐏ ᐸᓴᑯ ᓰᓯᐸᑿᐟ ᐱᒧᒋᑫᐏᐣ, ᑲᔦ ᒫᐘᐨ ᑳᒥᔖᐠ ᐄᐍ ᐱᒧᒋᑫᐏᐣ ᐅᒫ ᐊᐦᑮᐠ Ontario᙮

ᒫᐘᐨ ᑳᑭᒋ ᑿᔮᑎᓂᑫᐚᐨ ᑭᐡᑎᑫᐏ ᔓᓂᔮᑫᐏᓂᐠ ᐅᒫ ᑮᐍᑎᓄᐠ Ontario ᐄᐍᓂᐘᐣ ᒎᒎᔖᐳᑫᐏᓂᐠ, ᐏᔮᓱᒦᒋᒥᑫᐏᓂᐠ, ᐚᐱᑿᓃᐏᑫᐏᓂᐠ ᐁᑿ ᒪᐡᑯᔒᐍᑫᐏᓂᐠ, ᐊᓅᒥᓂᑫᐏᓂᐠ, ᓰᓯᐸᑿᑎᑫᐏᓂᐠ ᐁᑿ ᐊᐡᑭᑅᐏᑫᐏᓂᐠ᙮ ᐋᓈᓈᑲᑕᐍᐣᒋᑳᑌᑭᐣ ᑮᐍᑎᓄᐠ ᐁᑿ ᔖᐘᓄᐠ ᑭᐡᑎᑫᐏᓇᐣ, ᐊᒦ ᐁᔑᓈᑿᐠ ᐅᒫ ᑮᐍᑎᓄᐠ ᓇᐘᐨ ᐁᐏᒋᐍᑕᑭᑌᑭᐣ ᑭᐡᑎᑫᐏᓇᐣ ᐁᑿ ᐏᒋ ᒌᑫᐣᑕᒧᐘᐠ ᐊᐏᔭᐠ ᐅᒫ ᒋᑕᔑᑭᐡᑎᑳᓂᐘᐠ ᑮᐍᑎᓄᐠ᙮

····· ········· ··· ·······

··· ·· ·········

ᑳᐊᓃᔑᓈᑿᑭᐣ ᒥᓯᐍ ᐊᐦᑮᐠ ᑭᐡᑎᑫᐏᐱᒧᒋᑫᐏᓇᐣ ᑳᐊᐲᒋᒧᐡᑭᓂᓭᑭᐣ ᐅᑲᐸᒥᐡᑳᓈᐚ ᐄᐍᓂ ᑳᐄᔑᐍᐸᐠ ᐊᑿᒌᐠ᙮ ᑑᑳᐣ ᐹᐸᑳᐣ ᐱᒧᒋᑫᐏᓂᐠ, ᑭᐡᑎᑫᐏᓇᐣ ᐅᒫ Ontario ᑕᑮᐏᒋᒫᓂᓭ ᑮᐡᐱᐣ ᐊᐦᐱᐣ ᐊᓂᒪᒋᓭᐠ ᐊᑿᒌᐠ ᑳᐄᔑᐍᐸᐠ ᑳᐄᔑᑮᔑᑳᐠ ᑕᐏᒋᐸᑲᒥᓭ ᒦᒋᒼ ᒥᓂᑯᐠ ᑫᑕᑿᐠ ᐁᑿ ᒋᐏᒋᒪᐏᓀᐦᐄᑫᓭᐠ ᐅᒫ ᐊᐦᑮᐠ ᒦᒋᒼ ᓈᐣᑕ ᐁᑳ ᒋᑌᐱᓭᐠ᙮ ᐋᐦᑎᐟ ᑫᑯᓇᐣ ᑫᐏᒋᒪᒋᓭᐠ ᐄᐍ ᑭᐡᑎᑫᐏᐣ ᐊᒦᒫ ᐊᑿᒌᐠ ᒪᒌᔑᐍᐸᐠ ᓈᐣᑕ ᒪᒋᒪᐣᒎᔕᐠ, ᐅᐡᑭᑭᐡᑎᑳᓇᐣ ᐁᑿ ᐊᐏᔮᔒᔕᐠ ᐋᑯᓯᐚᐨ᙮ ᔖᑯᐨ ᑕᐡ, ᑳᑿᔭᑎᓂᑫᓭᐠ ᒥᓂᑯᐠ ᑭᐡᑎᑫᐏᐣ ᐅᒫ ᑮᐍᑎᓄᐠ Ontario ᐱᒥ ᐅᐱᐡᑳᒪᑲᐣ ᐱᑯ ᒣᒁᐨ ᐄᐍ ᑕᐡ ᑳᐏᒌᓭᐠ ᐋᔕ ᐊᑿᒌᐠ ᑳᐄᔑᐍᐸᐠ, ᑳᐄᔑᑮᔑᑳᐠ ᒪᔭᑭᓭ, ᐋᔕ ᐊᐘᔑᒣ ᐁᔭᓂᑮᔑᐚᔮᐠ, ᒥᓂᐚᔑᐣ ᑲᔦ ᐁᐸᓯᑳᑌᐠ ᐊᐦᑭ ᑳᐄᔑᒧᐡᑲᐦᐊᑭᐸᐣ, ᐅᐡᑭᓂᑖᐏᑯᒋᑲᓇᐣ ᐁᑿ ᒪᒫᑖᐚᐃᑯᐋᐸᒋᒋᑲᓇᐣ ᑲᔦ ᐑᒋᐦᐄᐍᓭᐘᐣ ᒪᔮᒼ ᑭᐡᑎᑫᐏᐣ ᒋᐄᔑᐱᒧᒋᑳᑌᐠ᙮ ᑭᐡᑎᑫᐏᐣ ᐅᒫ ᑮᐍᑎᓄᐠ ᐑᒋᐦᐄᐍᓭ ᐊᐘᓯᒣ ᒋᐊᓂᑮᔑᐚᔮᐠ ᐅᒫ ᐊᐦᑮᐠ ᐋᔕ ᑳᐊᓂᒫᓂᓭᐠ ᐄᐍ᙮ ᐅᒫ ᑕᐡ ᐅᑯᒫᐏᓂᐠ ᑳᐊᓄᐦᑳᑕᒧᐚᐨ ᐊᑿᒌᐠ ᑳᐄᔑᐍᐸᐠ ᐋᔕ ᑳᐄᔑᒫᓂᓭᐠ, ᐅᑕᓄᐦᑳᑖᓈᐚ ᐅᒫ ᐊᐦᑮᐠ ᒋᐏᒋᒥᓄᓭᐠ ᑳᐄᔑᐍᐸᐠ ᐊᑿᒌᐠ ᐊᐦᐲ ᐅᒋᓭᐠ ᐊᐦᑮᐘᐠ 2030, ᑲᔦ ᐄᐍ ᑭᐡᑎᑫᐏᓂᐠ, ᒋᑕᔑᑌᐱᓭᐠ ᑲᔦ ᒥᓂᑯᐠ ᒦᒋᒼ ᑳᓇᑕᐍᐣᒋᑳᑌᐠ᙮

ᐊᐦᑮᐏᑭᐡᑎᑫᐏᓂᐠ ᐄᒫ ᑮᐍᑎᓄᐠ Ontario ᐸᔭᑕᐠ ᑕᐅᓇᒋᑳᑌ ᑫᐏᒋᒥᓄᓭᐠ ᐁᑳ ᐱᑿᒋᔭᐦᐄᐏᑫᑯᓇᐣ ᒋᓂᔑᐘᓈᒋᒋᑳᑌᑭᐣ, ᐊᐦᑮᐏᐄᔑᓈᑯᓱᐏᓇᐣ ᐁᑿ ᐋᐸᒋᑖᐏᓇᐣ ᐁᑿ ᑲᔦ ᐊᓂᔑᓈᐯᐠ ᑳᐄᔑᓇᑕᐍᐣᑕᒧᐚᐨ ᒋᐊᔑᒋᓂᑳᑌᐠ᙮ ᐅᐍ ᑕᐡ ᐅᐱᑭᐠ ᐄᒫ ᐱᒧᒋᑫᐏᓂᐠ ᒫᐘᐨ ᑿᔭᐠ ᒋᑐᒋᑳᑌᐠ ᒋᑕᔑ ᑌᐱᓂᑳᑌᑭᐣ ᐊᓄᐦᑮᐏᓇᐣ ᐁᑿ ᐸᔭᑭ ᐊᓄᐦᑮᐏᐋᐸᒋᑖᐏᐣ᙮ ᐄᑵᓂᐘᐣ ᑫᑯᓇᐣ ᑳᑮᐏᒋᑭᑫᐣᒋᑳᑌᑭᐣ ᐅᐍᑎ ᔖᐘᓄᐠ ᑳᑮᐱᑐᒋᑳᑌᐠ ᑕᐑᒋᐦᐄᐍᓭᐘᐣ ᐘᐍᓇᒋᑳᑌᑭᐣ ᐋᐣ ᑫᐄᓈᐸᑕᑭᐣ ᑫᑯᓇᐣ ᐄᒫ ᑮᐍᑎᓄᐠ ᐊᐦᑮᐠ᙮

ᐊᐦᑮᐏᑭᐡᑎᑫᐏᓂᐠ ᐄᒫ ᑮᐍᑎᓄᐠ Ontario ᑲᔦ ᐅᑲᓈᑯᑐᓈᐚ ᒋᐊᑖᐚᑫᐚᐨ ᑭᐡᑎᑳᓂᒦᒋᒪᐣ ᐄᐍᑎ ᑮᐍᑎᓄᐠ ᑕᔒᑫᐏᓇᐣ ᑳᑕᑿᑭᐣ᙮ ᑐᑳᐣ ᐋᔕ ᑳᒪᔭᑭᓭᐠ ᐊᑿᒌᐠ ᑳᐄᔑᐍᐸᐠ ᑕᐦᓱᑮᔑᑳ ᑐᑳᐣ ᐋᔕ ᑳᔭᓂᑳᑭᔑᑌᐠ ᐁᑿ ᐊᑿᓇᐦᐄᑲᓇᐣ ᑲᔦ ᐋᔕ ᐋᐸᑕᓅᐣ ᐋᔕ ᐏᒋᐍᒋᓭ ᐅᑭᐡᑎᑫᐠ ᒋᑿᔮᑎᓇᒧᐚᒋᐣ ᔐᔕᐏᑭᐡᑎᑳᓂᒦᒋᒪᐣ ᐅᐍᑎ ᑮᐍᑎᓄᐠ ᐁᑳ ᐊᐦᑯ ᑳᔮᓂᑿᐸᐣ᙮ ᑕᑮᑕᑿᓅᐣ ᑲᔦ ᑮᐍᑎᓄᐠ ᐊᐦᑮᐏᑭᐡᑎᑫᐏᐣ ᐱᒧᒋᑫᐏᐣ ᒋᐏᒋᐑᒋᐦᐄᐍᓭᐠ ᔐᔕᐏᑭᐡᑎᑫᐏᒦᒋᒪᐣ ᐁᑿ ᑳᐄᔑ ᓇᑕᐍᐣᑖᑿᑭᐣ ᒦᒋᒪᐣ ᒋᑕᑿᑭᐣ ᐄᒫ ᐊᓂᔑᓈᐯᐏ ᑕᔒᑫᐏᓂᐠ᙮

··········· ····

ᐄᒫ ᒐᑳᓯᑲᐣ 1.0 ᐊᑭᑕ'ᓱᐣ ᑕᐦᓯᑭᐣ ᑭᐡᑎᑳᓇᐣ ᐁᑿ ᐋᐣ ᒥᓂᑯᐠ ᔓᓂᔮᑫᓭᑵᐣ ᐄᒫ ᑌᑎᐹᐦᐄ

ᑌᑎᐸᐦᐃᐃ ᒫᐘᑐᐘᓯᓇᐦᐄᑲᐣᑭᐡᑎᑳᓇᐦᑮᐣ ᐋᐣ ᒥᐣᑯᐠ ᔓᓂᔮᑫᒪᑲᑭᐣ ᐁᔑᐲᐦᐄᑳᑌᑭᐣ ($M)
ᕒᐁᐄᓃ ᕒᐃᐱᕒ 278 15.9
ᑭᓌᕒᐊ 82 3.5
ᑕᐣᑎᕒ ᐯᐄ 239 32.4
ᒥᓯᐍ ᓴᐟᐱᕒᐄ 141 10.1
ᑎᒥᐢᑲᒦᐣᐠ 404 60.7
ᑿᑭᕒᐃᐣ 177 10.8
ᓂᐱᓰᐣᐠ 247 13.3
ᐯᕒᐄ ᓴᐅᐣᐟ 326 10.7
ᒫᓂᑐᓬᐃᐣ 235 12.7
ᓴᐟᐱᕒᐄ 141 8.2
ᐋᓬᑯᒪ 317 13.4
ᒫᒪᐅ ᒥᓯᐍ 2587 $191.7M

ᐄᒫ ᒐᑳᓯᑲᐣ 1.0 ᓈᑿᓅᐣ ᑳᑕᓯᑭᐣ 2011 ᒫᐘᑐᐘᓯᓇᐦᐄᑲᐣ ᑭᐡᑎᑳᓇᐦᑮᐣ ᐁᑿ ᐋᐣ ᒥᓂᑯᐠ ᔓᓂᔮᑫᒪᑲᑭᐣ ᐄᒫ ᐯᐯᔑᑿᔦᐠ ᑮᐍᑎᓄᐠ ᑌᑎᐸᐦᐄ Ontario ᐁᑿ ᒥᓯᐍ ᐱᑯ ᐄᒫ Ontario᙮

ᐊᐦᑮᐏᑭᐡᑎᑫᐏᓂᐠ ᑌᐱᓂᑫᐏᓇᐣ ᑫᐏᒋᐱᒥᑭᐣ:

ᒥᔒᐣ ᑌᐱᓂᑫᐏᓇᐣ ᑕᑿᓅᐣ ᑫᐏᒋᒪᐡᑲᐑᒪᑲᑭᐣ ᐊᐦᑮᐏᑭᐡᑎᑫᐏᓇᐣ, ᓂᐲᐏᑭᐡᑎᑫᐏᓇᐣ ᐁᑿ ᒥᐃᒋᒥᑫᐏᓇᐣ ᐱᒧᒋᑫᐏᓂᐠ ᐄᒫ ᑮᐍᑎᓄᐠ Ontario. ᐃᐡᑎᑳᓇᐣ ᐁᑿ ᐊᐏᔮᔒᔕᐠ ᑭᑭᓇᐚᒋᒋᑲᓇᐠ ᓇᔑᔭᐦᐄ ᐅᒫ ᓈᑿᓅᐣ ᐋᐣᑎ ᑌᑎᐸᐦᐄ ᐁᑿ ᐹᐱᑭᓯᔭᐦᐄᐠ ᑫ˙ᐄᔑ ᐊᓄᐦᑮᓭᐠ ᓈᑿᐣ᙮ ᐅᑵᓂᐘᐣ ᑕᐡ ᐊᓄᐦᑳᑌᑭᐣ ᐘᐍᓇᒋᑳᑌᑭᐣ ᐱᒧᒋᑫᐏᓇᐣ ᐄᒫ ᑕᐑᒋᐦᐄᐍᓭ ᒋᓈᑿᑭᐣ ᐋᐣᑎ ᑲᔦ ᑌᐱᓂᑫᐏᓇᐣ ᑫᔑᑕᑿᑭᐣ᙮

ᑭᐡᑎᑳᓇᐣ ᑳᐱᒫᑕᑭᐣ ᑳᐄᔑᑕᑫᐣᑕᑿᐠ ᐊᑿᒌᐠ

ᒫᒪᐏᑐᑳᐣ ᑭᐡᑎᑳᓇᐣ ᐄᑵᓂᐘᐣ ᑫᑭᔐᐹᓂᑵᐏᓇᐣ ᑐᑳᐣ ᐊᓅᒥᓇᐠ, ᐲᓷᔮᓇᐦᑯᓈᐏᔭᐦᐄᐣ ᒧᓂᑭᓅᐣ ᑮᐍᑎᓄᐠ ᑳᐄᔑᑕᑫᐣᑕᑿᐠ ᑭᐡᑎᑫᐏᓂᐠ ᐁᑳ ᒋᓃᑲᐣᓭᑭᐣ ᐁᑿ ᐁᑳ ᒋᒪᐣᒎᔑᐘᑭᐣ᙮ ᑭᔮᐱᐨ ᒥᔒᓌᔦᐠ ᑮᐍᑎᓄᐠ Ontario ᐊ'ᔕ ᐅᓂᑖᐏᑯᑐᓈᐚ ᑫᑭᔐᐹᓀᑵᐏᑭᐡᑎᑳᓇᐣ ᐁᑿ ᑭᔮᐱᐨ ᐊᐘᔑᒣ ᑌᐱᓂᑫᐏᐣ ᑕᑿᐣ ᐄᒫ ᒋᓇᑭᓭᐠ᙮ ᐄᐡᑫᑕ ᑳᐏᔑᐦᐋᑲᓅᐨ ᐊᓅᒥᐣ ᑳᐊᒷᑲᓅᐨ ᐄᒫ ᑳᐏᑎᓈᑲᓅᐨ ᒦᒋᒥᑫᐏᓂᐠ ᑮ ᐄᓯᓭ ᒋᑌᐱᓈᐚᒋᐣ ᐄᑵᓂᐘᐣ ᐊᓅᒥᓇᐣ ᑳᑭᐡᑎᑳᓈᐚᒋᐣ, ᐁᑿ ᑿᔭᐠ ᐁᐏᒋᔓᓂᔮᑫᐚᑫᐚᐨ ᐄᐍ ᒥᐣᑯᐠ ᑳᐄᓇᑭᓯᓂᐨ᙮ ᐊᐘᓯᒣ ᐁᐏᒋ ᓇᑕᐍᐣᑖᑯᓯᐨ ᐊᓅᒥᐣ ᐊᐘᓯᑌ ᑮᐍᑎᓄᐠ Ontario ᐍᑎ ᑲᔦ ᑭᒋᒨᑯᒫᓇᐦᑮᐠ ᐏᒋᐑᒋᐦᐄᐍᓭ ᐊᐘᔑᒣ ᒋᐱᒥᑭᐠ ᑳᑭᐡᑎᑳᓈᑲᓅᐨ ᐊᓅᒥᐣ ᐄᒫ ᑮᐍᑎᓄᐠ Ontario᙮ ᑳᐏᔁᑲᓄᐚᐨ ᑲᔦ ᐄᑵᓂᐘᐠ ᑭᐡᑎᑳᓇᐠ ᐏᒋᐑᒋᐦᐄᐍᓭ ᒋᐏᒋᓇᑭᓭᐠ ᐊᓄᐦᑮᐏᓇᐣ ᐁᑿ ᑭᐡᑎᑳᓇᐣ ᐄᒫ ᑮᐍᑎᓄᐠ ᐅᐱᒧᒋᑫᐠ᙮

ᑯᑕᑭᔭᐣ ᑭᐡᑎᑳᓇᐣ ᑳᓂᑖᐏᑯᒋᑳᑌᑭᐣ ᑮᐍᑎᓄᐠ Ontario ᐅᑵᓂᐘᐣ ᒪᐣᑕᒥᓇᐠ, ᐊᐣᒌᒥᓇᐠ, ᐊᓄᒥᓂᑳᓇᐠ, ᐲᓷᔮᓇᐦᑯᓇᐏ ᑭᐡᑎᑳᓇᐣ ᐁᑿ ᐊᓃᐲᐏᐊᐣᒌᒥᓀᐦᓴᐠ᙮ ᒥᓯᐍ, ᑫᓄᐍᐡ ᐊᑿᒌᐠ ᑳᒫᓂᓭᐠ ᑳᐄᔑᐍᐸᐠ ᑐᑳᐣ ᑳᔭᓂᑭᔑᑌᐠ ᐊᐦᐱᐣ ᒨᔕᐠ ᐁᑿ ᑭᐡᑎᑳᓂᒦᒋᒪᐣ ᑳᓇᑕᐍᐣᑖᑿᑭᐣ ᑳᑿᔮᑎᓇᒧᐘᐨ ᒋᐊᑖᐚᑫᓈᓂᐘᓂᓂᐠ ᐁᑿ ᑲᔦ ᓅᑯᒦᑫ, ᒥᓄᓭ ᐊᐦᐱᐣ ᑳᒫᒦᐡᑯᑎᓂᑫᓈᓂᐘᐠ ᐄᒫ ᑭᒋᒨᑯᒫᓇᐦᑮᐠ, ᑌᐱᓂᑫᓭ ᒋᐏᒋᓇᑭᓂᑳᑌᑭᐣ ᒥᓂᑯᐠ ᑳᑕᑿᑭᐣ ᑫᑭᔐᐹᓀᑵᐏᑭᐡᑎᑳᓇᐣ ᐁᑿ ᑯᑕᑭᔭᐣ ᑭᐡᑎᑳᓂᒦᒋᒪᐣ ᐄᒫ ᑮᐍᑎᓄᐠ Ontario ᒋᑿᔮᑎᓇᒷᑲᓄᐚᒋᐣ ᐅᒫ ᐊᐏᔭᐠ ᑳᑕᔒᑫᐚᐨ, ᑌᑎᐸᐦᐄ ᑲᔦ ᐁᑿ ᐹᐸᑳᐣ ᐊᐦᑮᐠ᙮

ᐊᐏᔮᔒᔕᐠ

ᐊᑿᐣ ᑲᔦ ᒋᓇᑭᓂᑳᑌᐠ ᐋᐣ ᒥᓂᑯᐠ ᐊᐏᔮᔒᔕᐠ ᑫᓂᐦᑕᐏᑯᔮᐦᑲᓄᐚᐨ ᐅᒫ ᑮᐍᑎᓄᐠ Ontario᙮ ᐊᐦᐡᑫ, ᑮᐍᑎᓄᐠ ᑭᒋᒨᑯᒫᓇᐦᑮᐠ ᐏᔮᐢ ᐱᒧᒋᑫᐏᐣ ᑳᐏᐣ ᒋᑌᐱᓇᒧᐚᐨ ᒥᓂᑯᐠ ᑳᐄᔑ ᓇᑕᐍᐣᒋᑳᑌᓂᐠ ᐁᑿ ᐋᔕ ᐊᓂᑿᔮᒌᐘᐠ ᒋᓇᑭᑐᐚᐨ ᒥᓂᑯᐠ ᐊᐘᔑᒣ ᐏᔮᓯᓂ ᒋᑿᔮᑎᓇᒧᐚᐨ ᑌᑎᐸᐦᐄ ᐅᒫ ᐁᑿ ᒥᓯᐍ ᐹᐸᑳᐣ ᐊᐦᑮᐠ ᐄᐍᓂᐘᐣ ᐏᔮᓯᒦᒋᒪᐣ᙮ ᒣᒁᐨ, ᑿᔮᑎᓂᑳᑌ ᐏᔮᐢ ᐱᒧᒋᑫᐏᐣ ᐅᒫ ᑮᐍᑎᓄᐠ Ontario ᐁᑿ ᐅᐱᒧᒋᑫᐠ ᐅᑲᓇᐚᐸᑖᓈᐚ ᒋᓇᑭᓇᒧᐚᐨ ᐏᔮᓯᓂ᙮ ᑮᐍᑎᓄᐠ Ontario ᐅᑲᐡᑭᑐᓈᐚ ᒋᓇᑭᓇᒧᐚᐨ ᒥᓂᑯᐠ ᐊᐏᔮᔒᔕᐣ ᑫᓂᐦᑖᐏᑯᐦᔮᐚᒋᐣ ᐅᒫ ᓇᐘᐨ ᐁᐏᒋᐍᑕᑭᑌᓂᐠ ᐏᔮᓴᐣ ᑳᑕᔑᐏᐡᑐᐚᐨ ᐊᐲᒋᐑᐣ ᔖᐘᓄᐠ Ontario, ᐊᐘᓯᒣ ᐁᑲᑵ ᓇᑭᑐᐚᐨ ᐊᓄᐦᑮᐏᓇᐣ ᐁᑿ ᓇᑭᓂᑫᐏᓇᐣ ᐹᐸᑳᐣ ᐄᓇᓄᐦᑮᐏᓇᐣ ᒋᑕᑿᑭᐣ ᐅᒫ ᑮᐍᑎᓄᐠ ᑕᔒᑫᐏᓇᐣ ᑲᑕᑿᑭᐣ ᐁᑿ ᒥᐡᑕᐦᐄ ᐁᑕᑿᐠ ᐊᐦᑭ ᐅᐍᑵᓂᐘᐣ ᒋᑮᑑᒋᑳᑌᑭᐣ᙮

ᓂᐲᐏᑭᐡᑎᑫᐏᐣ

ᓂᐲᐏᑭᐡᑎᑫᐏᐣ ᑭᒋᐑᒋᐦᐄᐍᓭ ᑮᐍᑎᓄᐠ Ontario ᐊᓄᐦᑮᐏᓇᐣ ᑳᐏᒋᑕᑿᑭᐣ᙮ ᓇᒣᑯᓴᐠ ᑳᓂᐦᑖᐏᑯᐦᔮᑲᓄᐚᐨ ᑮᐤᒋᐱᒥᑭᐣ ᐊᐘᔑᒣ ᓃᔑᑕᓇ ᐅᒋ ᒥᑖᓱᒥᑕᓇ ᐊᐦᐲ ᐅᒋ ᒥᓂᑯᐠ ᑳᔭᐦᑮᐘᐠ 2010 ᐄᒫ Ontario. ᐁᑿ ᑳᔭᐦᑮᐘᐠ 2014, Ontario ᓂᐲᐏᑭᐡᑎᑫᐏᐣ ᐱᒧᒋᑵᐃᓂᐠ $20.5M ᒥᓂᑯᐠ ᑮᔓᓂᔮᑫᐘᐠ ᐄᑵᓂᐘᐣ ᐅᒋ ᓇᒣᑯᓴᐣ, ᒫᐘᐨ ᑳᐄᔑᑌᐸᐦᐄᑳᓯᐚᐨ (ᐊᐘᔑᒣ ᐊᔨᓈᓀᒥᑕᓇ ᓂᔮᓄᔖᑊ ᐅᒋ ᒥᑖᓱᒥᑕᓇ ᒥᓂᑯᐠ) ᐅᑵᓂᐘᐠ ᓇᒣᑯᓴᐠ ᑳᓂᐦᑖᐏᑯᐦᔮᑲᓄᐚᐨ ᐄᒫ ᑮᐍᑎᓄᐠ Ontario᙮

ᑌᐱᓇᒫᑫᐏᓇᐣ ᑫᐏᒋᐱᒥᑭᐠ:

ᑭᔮᐱᐨ ᑕᑿᐣ ᐅᒫ ᑌᑎᐹᐦᐄ ᐁᑿ ᒥᓯᐍ ᐊᐦᑮᐠ ᐁᓇᑕᐍᐣᑖᑯᓯᐅᐚᐨ ᒋᓂᐦᑖᐏᑮᐦᐋᑲᓄᐚᒋᐣ ᑭᓅᔐᐠ, ᐁᑿ ᐅᐱᒧᒋᑫᐠ ᑳᔭᓄᐦᑳᑕᒧᐚᐨ ᒋᐘᐍᓇᐦᑐᐚᒋᐣ ᓃᐏᑭᐡᑎᑳᓇᐣ ᐸᐦᑫᐦᐄ ᐄᒫ ᑮᐍᑎᓄᐠ Ontario ᑌᑎᐹᐦᐄ ᐁᑿ ᒥᓯᐍ ᐊᐦᑮᐠ ᐠ˙ᐊᐏᒋᐊᑖᐚᓂᐘᐠ ᒋᐏᒋᐑᒋᐦᐄᐍᐚᐨ ᐅᒫ ᐅᑯᒫᐏᓂᓈᐠ᙮


ᐊᐦᐲ ᒣᒁᐨ 2010, OMAFRA ᐅᑮᐑᒋᐦᐋᐚᐣ ᐅᐱᒧᒋᑫᐣ ᐁᑮᐱᒥᑌᐸᐦᐊᒷᐚᒋᐣ ᐅᑕᓄᐦᑮᐣ ᓂᐲᐏᑭᐡᑎᑫᐣ ᐄᒫ ᑳᐄᔑᐱᑮᒪᑲᐠ ᐸᐦᐁᐦᐄ, ᐊᑖᐍᐏᓂᐠ ᐁᑿ ᑭᑫᐣᑕᒫᐏᓂᐠ᙮ ᔓᓂᔮᐏ ᐑᒋᐦᐄᐍᐏᓂᐠ ᐋᔕ ᐊᐘᔑᒣ ᓃᔢᑭᒋᒥᑖᓱᒥᑕᓇ ᑕᐦᔁᐱᐠ ᐄᔑᓭ ᐁᑿ ᐹᐸᑳᐣ ᑮᐏᑎᓈᑲᓄ ᑐᑳᐣ ᐱᒥᑭᐏᐣ ᓃᔑᐣ, ᒫᒪᐅ ᓃᔓᐘᔦᐠ ᐅᑯᒫᐏᓂᐠ ᐁᐑᒋᐦᐄᑐᐚᐨ᙮


ᓃᔑᓄ ᑳᔭᑖᐚᑫᓈᓂᐘᐠ ᓂᐲᐏᑭᐡᑎᑫᐏᓇᐣ, ᐲᐚᐱᑯ ᐊᓴᐲᑫᐏᐣ (ᐲᐚᐱᑯ ᐊᓴᐲᐠ ᐁᐱᒫᐱᑯᐚᐨ ᑳᐄᔑᑕᐏᑲᒫᐠ) ᐁᑿ ᐊᐦᑮᐏᐱᒧᒋᑫᐏᓇᐣ (ᑭᒋᐲᐚᐱᑯ ᐊᓯᐘᒋᑲᓇᐣ ᑳᐏᒋᐸᒥᒋᑫᓭᐠ)᙮ ᑌᐱᓂᑫᐏᓇᐣ ᐄᒫ ᐸᐨᑫᐤᐦᐄ ᑕᑿᐣ ᐘᐍᓇᒋᑫᐏᓇᐣ ᒪᒫᑖᐚᐱᑰᐣ ᐁᑿ ᐄᐡᒋᑫᐏᓇᐣ ᑫᐏᒋᐊᒎᓭᑭᐣ ᑫᑯᓇᐣ ᒌᔑᒋᐘᑭᐣ ᐄᒫ Ontario ᓂᐲᑳᐠ, ᐅᐍ ᑕᐡ ᑲᔦ ᑕᐏᒋᓇᑭᓂᑫᒪᑲᐣ ᒋᐱᒥᑭᐠ ᒣᒁᐨ ᑲᔦ ᒋᒥᓄᓭᐠ ᐊᐦᑮᐠ ᐅᐍ ᐄᓈᐸᑕᐠ᙮

ᒥᑖᓯᓅᐣ ᑕᐏᑳᒫᐏ ᐲᐚᐱᑯᐊᓴᐲᑫᐏᓇᐣ ᓂᐲᐏᑭᐡᑎᑫᐏᓂᐠ ᐱᒧᒋᑫᐏᓂᐠ ᐅᒫ Ontario ᐄᒫ Manitoulin ᐁᑿ Parry Sound ᑌᑎᐹᐦᐄ ᐁᑿ ᐄᓯᓈᑿᐣ ᒋᑮᓇᑭᓭᐠ ᐄᒫ ᐸᑫᐦᐄ ᑮᐍᑎᓄᐠ Ontario᙮ ᑮᐍᑎᓄᐠ Ontario ᑲᔦ ᐅᑕᔮᓈᐚ ᓃᒥᑕᓇ ᓂᐦᓱᔖᑊ ᐊᐦᑮᐏᑭᐡᑎᑫᐏᓂᐠ ᐱᒧᒋᑵᐃᓇᐣ ᐁᑿ ᑲᔦ ᓂᔮᓄᔖᑊ ᓂᐦᑖᐏᑯᒋᑫᐏᓇᐣ ᐁᑿ ᓂᔮᓄᔖᑊ ᒫᐘᑐᓂᑫᐏᓇᐣ ᐱᒧᒋᑫᐏᓇᐣ᙮ ᒣᒁᐨ ᑕᐡ, ᐯᔑᐠ ᑮᐍᑎᓄᐠ ᐅᐱᒧᒋᑫᐅᑐᓇᐦᑑᐣ ᐅᓇᐦᒋᑫᐏᓇᐣ ᑫᐏᒋᐏᓇᐦᑐᐚᐨ ᑭᓅᐁᐏᑭᐡᑎᑫᐏᓇᐣ ᑳᐄᔑᐚᐸᑕᒧᐚᐨ ᐊᓂᔑᓈᐯᐠ ᑫ˙ᐄᔑᐱᒧᒋᑫᐚᐨ ᐑᓇᐚ᙮ ᑯᑕᑭᔭᐠ ᐅᐱᒧᒋᑫᐠ ᐅᑲᓇᐚᐸᑖᓈᐚ ᑫᐏᒋᓇᑭᓇᒧᐚᐨ ᐲᐚᐱᑯᐊᓴᐲᑫᐏ ᐱᒧᒋᑫᐏᓇᐣ ᒋᐊᔑᑎᓈᐚ ᐅᐡᑭᑭᓅᔐᐣ ᑐᑳᐣ ᐅᑳᓴᐣ᙮ ᑳᐱᒥᑭᐠ ᓂᐲᐏᑭᐡᑎᑫᐏᐣ ᐱᒧᒋᑫᐏᐣ ᐅᒫ ᑮᐍᑎᓄᐠ ᐅᑲᑮᓇᑭᓈᓈᐚ ᑌᐱᓂᑫᐏᓂᓂ ᐊᐘᔑᒣ ᐄᒫ ᓂᐲᐏᑭᐡᑎᑫᐏᓂᐠ ᐱᒧᒋᑫᐏᓂᐠ᙮

········

········ ·········

MNRF ᐁᑿ MOECC ᓅᑯᒦᑫ ᐅᑮᒪᓯᓈᑭᓵᓈᐚ ᐊᐦᑮᐏᒨᐡᑭᓀᐲᐦᐄᑫᐏᐣ ᑲᑭᓇ ᐊᐏᔭᐠ ᒋᑕᔑᑕᒧᐚᐨ ᐅᓈᑯᓂᑫᐘᓯᓇᐦᐄᑲᓇᐣ ᑫᐏᒋᑭᒌᓀᐣᒋᑳᑌᑭᐣ ᐲᐚᐱᑯᐊᓴᐲᑫᐏᓇᐣ ᐱᒧᒋᑫᐏᓇᐣ ᐅᒫ Ontario᙮ ᐅᑵᓂᐘᐣ ᐅᓈᑯᓂᑫᐘᓯᓇᐦᐄᑲᓇᐣ ᐅᓃᐱᑌᓯᓇᐦᐋᓈᐚ ᐋᐣ ᐅᑯᒫᐏᐣ ᑫᑐᑕᐠ ᒋᒪᓈᒋᒋᑳᑌᑭᐣ Ontario ᓂᐲᐣ ᐁᑿ ᑫᒋᓈᐨ ᐄᑵᓂᐘᐣ ᑕᐏᑲᒫᐠ ᐲᐚᐱᑯᐊᓴᐲᑫᐏᓇᐣ ᓂᐲᐏᑭᐡᑎᑫᐏᓇᐣ ᐱᒧᒋᑫᐏᓂᐠ ᑿᔭᐠ ᒋᐏᓇᒋᑳᑌᑭᐣ, ᒪᔮᒼ ᒋᔭᐲᒑᑭᐣ, ᐁᑿ ᑿᔭᐠ ᑭᓂᐍᐡ ᒋᐱᒧᒋᑳᑌᑭᐣ ᑫᐏᒋᐱᒥᒥᓄᓭ ᐄᒫ ᐊᐦᑭ ᐁᑿ ᓂᐱ᙮ ᑳᑭᒌᓀᐣᑖᑿᑭᐣ MNRF ᐁᑿ MOECC ᐅᔑᐲᐦᐄᑫᐏᓇᐣ ᐘᐍᓇᒋᑫᐏᓇᐣ ᑕᑮᐏᒋᐚᐸᒋᑳᑌᐘᐣ ᐄᒫ ᒪᒫᑖᐚᐱᑯᐠ:

MNRF ᒧᐡᑭᓀᐲᐦᐄᑲᐣ ᑫᑐᒋᑳᑌᐠ ᐑᑕᒫᑫᐏᓇᐣ ᐄᐍ ᐅᒋ ᐲᐚᐱᑯᐊᓴᐲᑫᐏᓇᐣ ᓂᐲᐏᑭᐡᑎᑫᐏᓂᐠ ᐱᒧᒋᑫᐏᓂᐠ (ᐊᐦᑮᐏᒨᐡᑭᓀᐲᐦᐄᑫᐏᐣ ᐊᑭᑖᓱᐣ 012-5045):

MOECC ᐅᑯᒫᐏᓂᐠ ᐅᓈᑯᓂᑫᐘᓯᓇᐦᐄᑲᓇᐣ ᑫᐏᒋᒧᓂᐱᒧᒋᑳᑌᑭᐣ ᑳᐄᔑᐸᑲᒥᒋᑫᒪᑲᑭᐣ ᐄᑵᓄᐘᐣ ᐲᐚᐱᑯᐊᓴᐲᑫᐏᓇᐣ ᓂᐲᑫᐏᑭᐡᑎᑫᐏᓂᐠ ᐱᒧᒋᑫᐏᓂᐠ ᐄᒫ ᓂᐱ ᑳᐄᓈᑲᒥᐠ ᐁᑿ ᑳᐃᓇᐡᑭᑮᐘᐠ ᐄᒫ Ontario ᐃᓂᐲᑳᐠ (ᐊᐦᑮᐏᒨᐡᑭᓀᐲᐦᐄᑫᐏᐣ ᐊᑭᑖᓱᐣ 012-7186):

ᒦᒋᒪᐣ ᐁᑿ ᒥᓂᑵᐏᓇᐣ ᑲ'ᐏᐡᒋᑳᑕᑫᐃᐣ

ᒥᑖᓱᒥᑕᐣ ᓵᑲᓱᔖᑊ ᑕᐦᓯᓅᐣ ᒦᒋᒪᐣ ᐁᑿ ᒥᓂᑵᐏᓇᐣ ᑳᑕᔑᐏᐡᒋᑳᑌᑭᐣ ᐊᔮᐘᐣ ᐄᒫ ᑮᐍᑎᓄᐠ Ontario ᐁᑿ ᒦᒋᒪᐣ ᐁᑿ ᒥᓂᑵᐏᓇᐣ ᑳᑕᔑᐏᐡᒋᑳᑌᑭᐣ ᐊᐘᔑᒣ ᑭᒋᒥᑖᓱᒥᑕᓇ ᐊᐏᔭᐣ ᐅᑕᓄᐦᑮᐦᐋᐚᐣ (ᑭᑭᓇᐚᑕᓯᓇᐦᐄᑫᐏᓂᐠ Canada, 2014, ᑭᑭᓇᐚᑕᓯᓇᐦᐄᑫᐏᓂᐠ Canada, 2011). ᐅᑵᓂᐘᐣ ᐱᒧᒋᑫᐏᓇᐣᑭᒌᓀᐣᑖᑿᓅᐣ ᒋᐏᒋᑭᒋᓇᑫᓭᑭᐣ ᐱᒧᒋᑫᐏᓇᐣ ᐄᒫ ᐸᐦᑫᐦᐄ ᑮᐍᑎᓄᐠ ᑮᐡᐱᐣ ᑳᒋᑎᓇᒧᐚᐨ ᑳᓇᑕᐍᐣᑕᑿᓂᓂᑭᐣ ᑌᐱᓂᑫᐏᓇᐣ᙮

ᐄᒫ ᑮᐍᑎᓄᐠ Ontario, ᒦᒋᒪᐣ ᐁᑿ ᒥᓂᑵᐏᓇᐣ ᑳᑕᔑᐏᐡᒋᑳᑌᑭᐣ ᐱᒧᒋᑫᐏᓇᐣ ᒥᔒᓇᑎᓅᐣ ᒥᔒᓂᐘᔦᐠ ᐯᔑᑿᔦᐠ ᐋᐣᑎ ᐊᐦᑮᐏᑭᐡᑎᑫᐏ ᑑᑕᒧᐏᓇᐣ ᑳᐄᔑ ᑕᑿᑭᐣ, ᐄᒫ ᐄᔑ ᓈᑿᐣ ᒐᑳᓯᑲᓂᐠ 2.0. ᐄᒫ ᐊᐦᑮᐠ ᐊᐦᑮᐏᑭᐡᑎᑫᐏ ᑑᑕᒧᐏᓂᐠ ᓈᑿᐣ ᐊᐦᑭ ᑳᑕᔑ ᑭᐡᑎᑳᓂᐘᐠ, ᒣᒁᐨ ᑳᔭᐦᑮᐘᐠ 2014 ᐁᑿ 2015 ᒫᐘᑐᐲᐦᐄᑫᐏᓂᐠ ᐄᒫ ᑭᔑᐟᑫᐏ ᐱᒧᒋᑫᐏᓂᐠ ᒧᐡᑭᓀᐲᐦᐄᑫᐏᓂᐠ᙮ ᐑᑕᒫᑫᐏᓇᐣ ᑳᓈᑯᒋᑳᑌᑭᐣ ᐄᒫ ᒐᑳᓯᑲᓂᐠ 2.0 ᑳᐄᔑᐊᑖᐚᑳᓂᐘᑭᐣ ᒦᒋᒪᐣ ᐁᑿ ᒥᓂᑵᐏᓇᐣ ᑳᑕᔑᐏᐡᒋᑳᑌᑭᐣ ᐱᒧᒋᑫᐏᓇᐣ ᐚᐸᑕᐦᐄᐍᒪᑲᐣ ᐑᑕᒫᑫᐏᓇᐣ ᑳᒫᒧᔕᑭᓇᒧᐚᐨ OMAFRA ᑳᔭᐦᑮᐘᐠ ᒣᒁᐨ 2015. ᐑᑕᒫᑫᐏᓇᐣ ᑳᐏᐣ ᐄᓇᑌᐦᓯᓅᐣ ᒥᓯᐍ ᒌᐄᔑᐚᐸᒋᑳᑌᑭᐣ ᒥᓂᑯᐠ ᐱᒥᓭᑵᐣ ᒦᒋᒪᐣ ᐁᑿ ᒥᓂᑵᐏᓇᐣ ᑳᑕᔑᐏᐡᒋᑳᑌᑭᐣ ᐱᒧᒋᑫᐏᓇᐣ ᑮᐍᑎᓄᐠ Ontario, ᔖᑰᐨ ᑕᐡ ᐏᒋᑭᑫᐣᑖᑿᐣ ᐁᔭᐲᔃᐸᑕᒪᑲᑭᐣ ᒦᒋᒥᑫᐏᓂᐠ ᐁᑿ ᒥᒋᒪᐣ ᐁᑿ ᒥᓂᑵᐏᓇᐣ ᑳᑕᔑᐏᐡᒋᑳᑌᑭᐣ᙮

ᒐᑳᓯᑲᐣ 2.0 ᑮᐍᑎᓄᐠ Ontario ᐊᐦᑮᐏᑭᐡᑎᑫᐏᓂᐠ ᐁᑿ ᒥᒋᒪᐣ ᐁᑿ ᒥᓂᑵᐏᓇᐣ ᑳᑕᔑᐏᐡᒋᑳᑌᑭᐣ ᑳᐄᔑᒫᒪᐘᑌᑭᐣ᙮

····· 2.0 ········· ·· ··········· ··· ··········· ······ ···· ····· Ontario ·'·· ······· ·········· ·· ··· ···· ·· ······ ·········· ······· ··· ·······

ᒐᑳᓯᑲᐣ 2.0 ᐚᐸᑕᐦᐄᐍᒪᑲᐣ ᐅᒫ ᐊᐦᑮᐘᓯᓇᐦᐄᑲᓂᐠ ᐋᐣᑎ ᐊᐦᑮᐏᑭᐡᑎᑫᐏᓇᐣ ᑑᑕᒧᐏᓇᐣ ᑕᑿᑭᐣ ᑮᐍᑎᓄᐠ Ontario ᐊ'ᐣᑎ ᑭᐡᑎᑫᐏᓇᐣ ᑳᐄᔑᐱᒧᒋᑳᑌᑭᐣ ᐁᑿ ᐋᐣᑎ ᒦᒋᒪᐣ ᐁᑿ ᒥᓂᑵᐏᓇᐣ ᑳᑕᔑᐏᐡᒋᑳᑌᑭᐣ ᐱᒧᒋᑫᐏᓇᐣ ᑳᐄᔑ ᐅᑿᐦᑌᑭᐣ᙮

ᐋᐄᔑᓈᑿᑭᐣ ᒦᒋᒪᐣ ᐁᑿ ᒥᓂᑵᐏᓇᐣ ᑳᑕᔑᐏᐡᒋᑳᑌᑭᐣ ᐁᑿ ᑳᐏᒋᐏᑕᓄᐅᐦᑮᓈᓂᐘᐣ ᑮᐍᑎᓄᐠ Ontario ᐋᔕ ᒪᔭᑭᓭ᙮ ᐄᐡᑭ ᑐᒁᐣ, ᑭᐸᐦᐄᑲᓇᐣ ᐁᑿ ᐊᒎᓂᑲᓇᐣ ᐱᒧᒋᑫᐏᓂᐠ ᐄᒫ ᑭᒋᒎᒎᔖᐴᑫᐏᓂᐠ ᐱᒧᒋᑫᐏᓇᐣ ᐅᒋᐸᑲᒥᓭ ᑲᔦ ᒦᒋᒪᐣ ᐁᑿ ᒥᓂᑵᐏᓇᐣ ᑳᑕᔑᐏᐡᒋᑳᑌᑭᐣ ᐊᓄᐦᑮᐏᓇᐣ, ᐁᑿ ᒣᒁᐨ ᐅᐡᑭ ᒦᒋᒥᑫᐏᓇᐣ ᐱᒧᒋᑫᐏᓇᐣ ᐁᒫᒋᒋᑳᑌᑭᐣ, ᐁᐏᒋᐑᒋᐦᐄᐍᓭᑭᐣ ᑌᑎᐸᐦᐄ ᒦᒋᒥᑫᐏ ᐊᓄᐦᑮᐏᓇᐣ ᐁᑿ ᐹᐸᐦᑳᐣᒋᑫᐏᓇᐣ ᐄᒫ ᐸᐦᑵᐦᐄ᙮ ᑮᔑᑌᑲᓯᑫᐏᓇᐣ ᒣᒁᐨ ᒫᐘᐨ ᒥᐡᑕᐦᐄ ᐊᓄᐦᑮᐏᓇᐣ ᐅᒋᓭᐘᐣ ᐄᒫ ᒦᒋᒪᐣ ᑳᑕᔑᐏᐡᒋᑳᑌᑭᐣ ᑮᐍᑎᓄᐠ Ontario. ᐋᑿᐣ ᑕᐡ ᑳᒪᔭᑭᓭᐠ ᐁᐱᒥᑭᐠ ᑮᐍᑎᓄᐠ ᒦᒋᒪᐣ ᑳᑕᔑᐏᐡᒋᑳᑌᑭᐣ ᐄᒫ ᑑᑳᐣ ᑮᔑᑌᑲᓯᑫᐏᓂᐠ, ᒦᓂᐡᑳᓂᐠ ᐁᑿ ᑭᐡᑎᑳᓂᒦᒋᒪᐣ ᑳᐑᑵᓂᑳᑌᑭᐣ ᑭᓂᐍᐡ ᒋᐱᒫᑕᑭᐣ / ᒪᒫᑕᐏᒦᒋᒥᑳᓇᐣ ᑳᐏᐡᒋᑳᑌᑭᐣ, ᐁᑿ ᒪᐡᑯᔒᐏᒦᒋᒥᑳᓇᐣ ᐁᑿ ᐱᒥᑌᑫᐏᓇᐣ᙮

ᑌᐱᓂᑫᐏᓇᐣ ᑫᐏᒋᐱᒥᑭᐣ

ᐅᑕᑖᐍᐠ ᑳᓇᑕᐍᐣᑕᒧᐚᐨ ᐁᑿ ᑳᔮᑿᑭᑌᓂᑭᐣ ᒋᐱᒨᒋᑳᑌᓂᑭᐣ ᐄᐍᑎ ᑮᐍᑎᓄᐠ ᑕᔒᑫᐏᓇᐃᐠ ᐄᓭ ᐁᓇᑕᐍᐣᑕᒧᐚᐨ ᐯᔓᐨ ᑌᑎᐸᐦᐄ ᒋᐏᑎᓇᒧᐚᐨ ᒦᒋᒥᓂ, ᑲᔦ ᑳᓃᓴᑭᑌᓂᐠ ᒦᒋᒥᑳᓇᐣ᙮ ᑌᐱᓂᑫᐏᓇᐣ ᑕᑿᓅᐣ ᑲᔦ ᑮᐍᑎᓄᐠ Ontario ᒦᒋᒪᐣ ᐁᑿ ᒥᓂᑵᐏᓇᐣ ᑳᑕᔑᐏᐡᒋᑳᑌᑭᐣ ᐱᒧᒋᑫᐏᓇᐣ ᒋᑮᑿᔮᑎᓇᒧᐚᒋᐣ ᒦᒋᒪᐣ ᐅᒫ Ontario, ᒥᓯᐍ ᐊᐦᑮᐠ, ᓈᐣᑕ ᒥᓯᐍ ᑌᑎᐸᐦᐄ ᐊᐦᑮᐠ᙮


ᓰᐲ ᐅᒎᒎᔖᐴᑫᐠ ᐅᑮᒫᒌᐅᐡᑐᓈᐚ ᒎᒎᔖᐴᓂ ᐁᑿ ᐸᐢᑹᐏᔒᐏᒎᒎᔖᐳᓂ᙮ ᐅᐍᓂ ᐅᐡᑭ ᑭᐡᑎᑫᐏᓂᓂᐠ ᒎᒎᔖᐴᑫᐏᓂᐠ, ᐄᒫ ᔖᐘᓄᓀᑳᐲᐘᓄᐠ ᐄᓀᑫ ᐅᑌᓈᐠ Thunder Bay, ᐅᑮᐑᒋᐦᐄᑯᐚᐣ ᑮᐍᑎᓄᐠ Ontario ᑲᔮᔑᐱᒫᑎᓱᐏᓇᐣ ᑳᑲᓇᐍᐣᑕᒧᐚᐨ ᔓᓂᔮᐏᓂᐠ ᐁᑿ ᐁᑮᐏᒋᐸᐦᑳᓂᓈᑷᐦᐄᑎᓯᐚᐨ ᐊᐦᑮᐠ ᑳᐄᔑᒪᓯᓂᓈᑯᓯᑐᐚᐨ ᒎᒎᔖᐴᑫᑯᓇᐣ ᐄᒫ ᒎᒍᔖᐴᑫᐏᓂᐠ ᐁᑿ ᐸᓴᑷᔒᐏᒎᒎᔖᐴᑫᐏᓂᐠ ᑳᐄᔑᒫᒌᓈᓂᐘᐠ ᐁᑿ ᑲᔦ ᑳᐄᔑᓈᑵᑐᐚᐨ ᒧᑕᔮᐱᑯᓂ ᑳᐄᔑ ᐊᓯᐘᑐᐚᒋᐣ᙮


ᑯᑕᑭᔭᐣ ᑌᐱᓂᑫᐏᓇᐣ ᑫᐏᒋᐱᒥᑭᐣ ᐄᒫ ᐊᐦᑮᐏᑭᐡᑎᑫᐏᓂᐠ, ᓂᐲᐏᑭᐡᑎᑫᐏᓂᐠ ᐁᑿ ᒦᒋᒪᐣ ᐁᑿ ᒥᓂᑵᐏᓇᐣ ᑳᑕᔑᐏᐡᒋᑳᑌᑭᐣ ᐸᐦᑫᐦᐄ ᑮᐍᑎᓄᐠ Ontario

ᒥᔒᓂᐘᔦᐠ ᑕᑿᓅᐣ ᑫᐏᒋᐱᒥᑭᑭᐣ ᑳᐊᐦᑮᐏᑭᐡᑎᑫᓈᓂᐘᐠ, ᑳᓂᐲᐏᑭᐡᑎᑫᓈᓂᐘᐠ ᐁᑿ ᑳᒦᒋᒥᑫᓈᓂᐘᐠ ᐱᒧᒋᑫᐏᓂᐠ ᑮᐍᑎᓄᐠ Ontario. ᑲᔦ ᐅᐡᑭ ᑌᐱᓂᑫᐏᓇᐣ ᒦᒋᒥᑫᐏᓂᐠ ᑫᐏᒋᓇᑭᓭᐠ ᐊᐘᔑᒣ ᐹᐸᑳᐣ ᐄᔑᒫᒌᓈᓂᐘᐠ ᓈᐣᑕ ᓈᓇᑭᓂᑳᑌᑭᐣ ᐊᐦᑮᐏᑭᐡᑎᑫᐏᓇᐣ ᐱᒧᒋᑫᐏᓇᐣ ᐁᑿ ᑯᑕᑭᔭᐣ ᑌᐱᓂᑫᐏᓇᐣ ᐄᒫ ᑑᑳᐣ ᑳᐏᐡᒋᑳᑌᐠ ᑫᑕᔑᓂᑖᐘᐦᑭᑭᐣ ᑫᑯᓇᐣ ᑑᑳᐣ ᐄᑯ ᐊᐦᑮᐏᑭᐡᑎᑫᐏᓇᐣ ᑳᑕᔑᓂᐦᑖᐏᑯᒋᑳᑌᑭᐣ ᐊᐦᑯ᙮ ᑌᐻᒋᑳᑌ ᑕᐡ ᐁᔭᓂᑮᔑᐚᔮᐠ ᐊᐘᔑᒣ ᑮᐍᑎᓄᐠ Ontario ᒋᑮ ᐄᔑᓈᑿᐠ ᒋᓂᐦᑖᐏᑯᒋᑳᑌᑭᐣ ᐹᐦᐸᑳᐣ ᑭᐡᑎᑳᓂᒦᒋᒪᓃᒫ ᑳᐄᔑ ᐅᐡᒋᑳᑌᐠ ᑭᐡᑎᑳᐣ ᓈᐱᓈᑯᒋᑲᓂᐠ, ᐄᑵᓂᐘᐣ ᑑᑳᐣ ᐹᐦᐸᑳᐣ ᑳᐄᔑᓈᑿᑭᐣ ᒪᐡᑷᔒᐣ᙮ ᐋᔕ ᐸᑮ ᒫᒌ ᒣᒣᒋᑳᒋᑳᑌ ᑮᐡᐱᐣ ᑫᑮᓂᐦᑖᐏᑯᒋᑳᑌᑭᐣ ᑌᐱᓂᑫᐏᓇᐣ ᑮᐡᐱᐣ ᑫᑮᐋᐸᑕᐦᑭᐣ ᐄᒫ ᑭᐡᑎᑳᓂᑫᐏ ᓈᐱᓈᑯᒋᑲᓂᐠ ᐅᓇᐦᒋᑫᐏᓂᐠ (ᑑᑳᐣ, ᐱᒼᐸᐣᒋᑲᓇᐣ ᑳᔮᐸᑕᑭᐣ ᑫᐏᒋᑭᔑᑌᐠ), ᐊᒦᒫ ᐄᑐᐠ ᑲᔦ ᒋᐏᒋᐱᒥᑭᐠ ᐄᐍ ᑭᐡᑎᑲᓂᑫᐏ ᓈᐹᐸᒋᑲᐣ ᑮᐍᑎᓄᐠ Ontario᙮

ᐅᓇᐦᒋᑫᐏᓇᐣ ᑫᑐᒋᑳᑌᐠ ᐅᔑᐲᐦᐄᑳᑌ

ᐅᓇᐦᒋᑫᐏᓇᐣ ᑫ˙ᐄᔑᑌᐱᓂᑳᑌᑭᐣ ᑮᐍᑎᓄᐠ Ontario ᐊᐦᑮᐏᑭᐡᑎᑫᐏᓂᐠ, ᓂᐲᐏᑭᐡᑎᑫᐏᓂᐠ ᐁᑿ ᒦᒋᒥᑫᐏᓂᐠ ᐸᐦᑫᐦᐄ ᑑᑕᒧᐏᓂᐠ ᒋᑕᔑᒪᐡᑲᐑᑐᐚᐨ ᐄᐍᓂ ᑳᐄᔑᐱᒧᒋᑳᑌᓂᑭᐣ ᐊᐦᑮᐏᑭᐡᑎᑫᐏᓇᐣ, ᓂᐲᐏᑭᐡᑎᑫᐏᓇᐣ ᐁᑿ ᒦᒋᒥᑫᐏᓇᐣ ᑳᑕᔑᐏᐡᒋᑳᑌᑭᐣ ᐊᓄᐦᑮᐏᓂᐠ ᑮᐍᑎᓄᐠ Ontario᙮

ᑳᐅᓇᐦᒋᑫᐏᓇᐣ ᐅᔑᐲᐦᐄᑫᐏᓇᐣ ᐄᒫ ᐸᐦᑫᐦᐄ ᑫᑑᒋᑳᑌᐠ ᐊᒦ ᐅᑵᓂᐘᐣ ᐁᐏᒋᑭᑭᓇᐚᐸᒋᑳᑌᑭᐣ:

1᙮ ᐅᐱᒧᒋᑫᐠ ᓃᑳᓃᑕᒫᑫᐘᐠ, ᐅᑯᒫᐏᐣ ᐅᑐᒋᐑᒋᐦᐋᐚᐣ

ᐅᐱᒧᒋᑫᐠ ᑳᓃᑳᓃᑕᒫᑫᐚᐨ ᑕᓇᑕᐍᐣᑖᑿᐣ ᒋᐊᓄᐦᑮᓭᐠ ᐋᐸᑕᐠ ᑫᑑᒋᑳᑌᐠ ᐅᑯᒫᐏᓈᐠ ᐏᒋᐑᒋᑢᓂᐘᐠ ᑲᔦ᙮ ᐋᐦᑎᐟ ᐹᐦᐸᐦᑫᐦᐄ , ᑑᑳᐣ ᐸᐢᑯᔒᐏᓰᐣᓯᐹᑿᐟ ᐁᑿ ᐏᔮᐢᑫᐏᓂᐠ, ᐋᔕ ᐑᓇᐚ ᐅᑮᒫᒌᓃᑳᓃᑖᓈᐚ ᐁᐘᐍᓇᑐᐚᒋᐣ ᑫᑕᔑᒫᑕᓂᐦᑳᑌᓂᑭᐣ ᑮᐍᑎᓄᐠ Ontario ᐁᑿ ᐅᑲᑵᒋᒫᐚᐣ ᐅᑯᒫᐏᓇᐣ ᒋᐑᑕᒫᑯᐚᒋᐣ ᐋᐣ ᑫᑮᐏᒋᐱᒥᑭᐠ ᒫᒋᐡᑖᐏᐣ᙮ ᑲᐡᑭᑕᒫᓱᐏᐣ ᒋᑌᐱᓂᑳᑌᐠ, ᑳᒫᒋᑐᐚᐨ ᐅᑳᓈᑰᓈᐚ ᑌᐻ ᒋᑮᐱᒥᓂᑖᐏᑯᓂᐠ, ᒋᒣᒣᒋᑳᒋᑳᑌᐠ ᐊᓄᐦᑮᐏᓇᐣ ᑕᑿᑭᐣ ᑫᐏᐡᑐᐚᐨ, ᐊᑖᐚᑫᐏᓇᐣ ᐋᐣ ᒥᓂᑯᐠ ᓇᑕᐍᐣᒋᑳᑌᑵᐣ ᑲᔦ, ᐁᑿ ᑮᐡᐱᐣ ᑭᓄᐍᐡ ᑫᐱᒥᓂᐦᑖᐏᑿᓂᐚᑵᐣ ᐊᐦᑮᐠ ᒋᒥᓄᓭᐠ᙮

···········

ᐸᐦᑫᐦᐄ ᑫᑐᒋᑳᑌᐠ ᑕᔭᓄᐦᑮᓭ ᑳᐄᔑ ᐱᒥᓭᐠ ᒣᒁᐨ ᐁᑿ ᐅᐡᑭ ᑌᐱᓂᑫᐏᓇᐣ ᑲᔦ ᒋᑭᑭᓇᐘᓯᓈᑿᑭᐣ ᐁᑿ ᒋᐏᒋᐑᒋᐦᐄᐍᓭᐠ ᒋᓈᐱᓭᐠ ᑐᑕᒧᐏᓇᐣ ᐁᑿ ᐄᑵᓂᐘᐣ ᑫᓃᑳᓀᐣᒋᑳᑌᑭᐣ ᑳᐄᔑᒫᒪᔭᑭᓈᑿᑭᐣ ᐋᐸᒋᒋᑲᓇᐣ ᐁᑿ ᐑᒋᐦᐄᐍᐏᓇᐣ ᒋᐊᐦᑌᑭᐣ ᐄᒫ ᐸᐦᑫᐦᐄ ᑮᐍᑎᓄᐠ᙮ ᒥᔒᓂᐘᔦᐠ ᐅᑯᒫᐏᐣ ᑕᑮᐏᒋᐑᒋᐦᐄᐍ ᒋᐱᒥᑭᑭᐣ ᐊᐦᑮᐏᑭᐡᑎᑫᐏᓇᐣ, ᓂᐲᐏᑭᐡᑎᑫᐏᓇᐣ ᐁᑿ ᒦᒋᒥᑫᐏᓇᐣ ᑳᑕᔑᐏᐡᒋᑳᑌᑭᐣ ᐸᐦᑳᐣ ᐄᒫ ᑮᐍᑎᓄᐠ Ontario ᐑᒋᐦᐄᐍᐏᓂᐠ ᑑᑳᐣ ᐋᔮᑿᓯᒥᐍᐏᓇᐣ, ᔓᓂᔮᐏᓂᐠ ᐁᑿ ᒪᓈᒋᒋᑫᐏᓂᐠ, ᒫᐘᑐᐘᓯᓇᐦᐄᑫᐏᓂᐠ ᐁᑿ ᓈᓈᑲᒋᐑᑕᒫᑫᐏᓂᐠ, ᒣᒣᒋᑳᒋᑫᐏᓂᐠ, ᐅᓈᑯᓂᑫᐘᓯᓇᐦᐄᑫᐏᓂᐠ ᐁᑿ ᒫᑕᓄᐦᑮᐏᓂᐠ, ᒫᐘᐨ ᑫ˙ᐄᔑᑭᓂᐱᓭᐠ ᓈᑲᒋᒋᑫᐏᐣ ᐑᒋᐦᐄᐍᐏᐣ᙮


Ontario ᐸᓴᑯᔒᐏᓰᐣᓯᐹᑿᐟ ᑳᐏᐡᑐᐚᐨ ᐅᑕᐲᑕᒫᑫᐠ (OMSPA) ᐋᔕ ᐅᑮ ᐅᓇᐦᑐᓈᐚ Ontario ᐸᓴᑯᔒᐏᓰᐣᓯᐹᑿᐟ ᑳᐏᐡᑐᐚᐨ ᓃᔑᑕᓇ ᒥᓂᑯᐠ ᒥᑖᓱᒥᑕᓇ ᐅᐍᑎ ᓃᑳᐣ ᓂᔮᓄᔭᐦᑭ ᒋᐊᑖᐚᑫᐚᐨ ᑌᑎᐹᐦᐄ ᐁᑿ ᓃᑲᑌ ᑲᔦ ᐅᐍᓂ ᐸᓴᑯᔒᐏᓰᐣᓯᐹᑿᐟ ᑳᐏᐡᑐᐚᐨ᙮ ᒣᒁᐨ 2015 ᓃᔃᓱ ᓈᐣᑕ ᐊᔨᓈᓀᐅ ᒥᓂᑯᐠ ᒥᑖᓱᒥᑕᓇ ᐅᑮᐚᐸᑖᓈᐚ ᐁᑮᓇᑭᓭᓂᐠ ᑳᑮᐅᑎᓇᒧᐚᐨ ᒥᐦᑎᑯᐠ ᒥᓯᐍ OntarioOMSPA ᐯᔓᐨ ᐅᐑᑕᓄᐦᑮᒫᐣ OMAFRA, MNRF ᐁᑿ ᐅᐘᐍᓈᐸᒋᑫᐣ ᑳᐑᑕᓄᐦᑮᒫᐚᐨ ᒥᔒᓄᐘᔦᐠ ᑳᐄᔑᐏᐅᓇᐦᒋᑫᐚᐨ᙮


2᙮ ᑫ"ᐄᔑᑌᐱᓂᑳᓂᐘᐠ ᐄᔑᐏᓇᐦᑌ

ᐸᐦᑫᐦᐄ ᑫᑑᒋᑳᑌᐠ ᑕᓈᑿᐣ ᑌᐱᓂᑫᐏᓂᐠ ᑲᐡᑭᑕᒫᓱᐏᐣ ᒋᓈᑿᐠ ᐁᑿ ᑲᐊᔦ ᒋᓈᑿᐠ ᒥᐡᑕᐦᐄ ᑌᐱᓂᑫᐏᐣ ᑎᐸᐦᐄᑫᓭᐏᐣ ᐊᓄᐦᑮᐏᓂᐠ, ᐑᒌᐏᑑᓂᐠ ᐁᑿ ᐊᐦᑮᐏ ᑲᐡᑭᑕᒫᓱᐏᓇᐣ᙮ ᑲᓇᐚᐸᒋᑳᑌᑭᐣ ᑌᐱᓂᑫᐏᓇᐣ ᒋᑲᐡᑭᒋᑳᑌᑭᐣ ᑫᒋᓈᐨ ᐊᒦᑕᐡ ᐁᓯᓭᐠ ᒋᐑᒋᒋᑳᑌᐠ ᐋᐣᑎ ᐸᐦᑫᐦᐄ ᑿᔮᒌᐏᐣ ᐁᑮᔑᓈᑯᒋᑳᑌᐠ᙮ ᑯᑕᑮᐠ ᐋᐣᑎ ᐱᒥᑮᐏᐣ ᒫᒋᑖᐏᐣ ᐁ˙ᐄᔑᑲᑵᒋᒋᑳᑌᑭᐣ, ᐅᑯᒫᐏᓈᐠ ᐑᒋᐦᐄᐍᐏᓂᐠ ᐅᑲᑲᓇᐚᐸᑖᓈᐚ ᒋᐑᒋᐦᐋᐚᒋᐣ ᑳᒫᒋᑖᓂᐨ ᒋᒣᒣᒋᑳᑐᐚᐨ ᑲᐡᑭᑕᒫᓱᐏᓂᓂ ᐁᑿ ᒋᐘᐍᓇᐦᑐᐚᐨ ᐋᐣ ᑫᐊᓂ ᑐᑕᒥᓂᐨ ᒋᑿᔮᒌᓂᐨ ᐅᐍᑎ ᓃᑳᓃᐠ ᒋᑕᔑᐱᒥᑭᐚᐨ᙮


ᑳᐍᓄᑕᐠ ᓀᑳ ᐊᐦᑭ ᓈᓂᔭᐦᐄ Sudbury ᒧᔕᐠ ᐅᑮᓂᐦᑖᐏᑯᑐᓈᐚ ᐁᒥᓄᐱᑿᓂᓂᐠ ᐊᐡᑭᑇᐘᐣ ᐁᑿ ᓅᑯᒼ ᐸᐦᓵᒪᑎᓈᐠ ᐅᑭᐡᑎᑫᐠ ᐅᑮᒥᐦᑳᓈᐚ ᑫᑐᑕᒧᐚᐨ ᑫᐏᒋᒥᓄᐱᑕᒧᐚᐨ ᐅᑕᑖᐍᐠ ᔐᔖᐅ ᐁᑳ ᐑᑳ ᑳᔮᐦᑿᒋᒋᑳᑌᑭᐣ ᐊᐡᑭᑇᐏᔮᐲᐣ᙮ ᒣᒁᐨ 2015, ᐸᐦᓵᒪᑎᓈᐠ ᐅᑭᐡᑎᑫᐠ ᐅᑮᑿᔭᑎᓈᓈᐚ "ᑭᐡᑎᑲᓂᐚᑳᐦᐄᑲᐣ ᔐᔖᐅ ᐊᐡᑭᑇᐏᔮᐲᐣ"᙮ ᐍᒋᓭᓂ ᐁᐹᐸᑵᔕᒧᐚᒋᐣ ᐊᐡᑭᑇᐘᐣ, ᐊᔑᑎᓂᑳᑌ ᑫᐏᒋᒥᓄᐱᑿᐠ ᐁᑿ ᑫᐏᒋᒥᓄᐡᑳᑫᒪᑲᐠ, ᑕᐦᑭᓯᒋᑳᑌ ᐊᐦᐱᐣ ᐁᑿ ᐊᑿᓇᐦᐄᑳᑌᐘᐣ, ᑭᐡᑎᑲᓂᐚᑳᐦᐄᑲᐣ ᔐᔖᐅ ᐊᐡᑭᑇᐏᔮᐲᐣ ᐊᒦ ᐊᐦᐱᐣ ᐁᔐᔖᐚᑭᐣ ᓃᔑᑕᓇᓂᔮᓄᔖᑊ ᑕᐦᓱᑮᔑᑳ ᐁᑳ ᑫᑰᐣ ᑑᒥᓂᑲᐣ ᓈᐣᑕ ᐋᑿᒋᒋᑲᐣ ᐁᔮᐸᑕᐠ᙮ ᐸᐦᓵᒪᑎᓈᐠ ᐅᑭᐡᑎᑫᐠ ᑮᒦᓈᐘᐠ ᒣᒁᐨ 2015 ᑌᑎᐸᐦᐄ ᐸᑭᓈᑫᐏᓂᓂ ᐄᐍᓂ ᑳᑮᔑᑲᐡᑭᑕᒫᓯᐚᐨ ᐸᐦᑳᐣ ᒋᑐᑕᒧᐚᐨ ᑫᐏᒋ ᑲᐡᑭᑕᒫᓯᐚᐨ ᒋᐱᒥᑭᐚᐨ ᐊᐘᓯᒣ ᐁᑿ ᒦᑵᐨ ᑭᐡᑎᑲᓂᐚᑳᐦᐄᑲᐣ ᔐᔖᐅ ᐊᐡᑭᑇᐏᔮᐲᐣ, ᑌᑎᐸᐦᐄ ᐅᑭᐡᑎᑫᐠ ᐅᑌᐱᓈᓈᐚ ᑭᒋ ᐊᑖᐏᑲᒥᑰᐣ Walmart ᐁᑿ Loblaw Superstores ᒋᐊᑖᒥᑯᐚᒋᐣ ᐁᑿ ᓂᑯᑢᓱᔖᑊ ᐅᐡᑭᔭᓄᐦᑮᐏᓇᐣ ᑮᐏᒋᓭᐘᐣ ᐄᒫ ᐅᒋ᙮


3᙮ ᒫᒪᐏᐑᑕᓄᐦᑮᒥᑐᐏᐣ, ᒥᓯᐍ ᐅᑯᒫᐏᓈᐠ ᑐᑕᒧᐏᓇᐣ

ᒥᓯᐍ ᐅᑯᒫᐏᓈᐠ ᑐᑕᒧᐏᓇᐣ, ᐊᔭᒥᐦᐄᑎᐚᐨ ᐁᑿ ᐑᑕᓄᑮᒥᑐᐚᐨ ᑳᑐᑕᒧᐚᐨ ᒥᓯᐍ ᐱᑯ ᐅᑯᒫᐏᐊᐠ ᑳᐊᓄᐦᑳᑕᒧᐚᐨ , ᑭᒌᓀᐣᑖᑿᐣ ᒥᓯᐍ ᐑᒋᐦᐄᐍᐏᐣ ᒋᑕᑿᐠ ᐊᐦᑮᐏᑭᐡᑎᑫᐏᓂᐠ, ᓂᐲᐏᑭᐡᑎᑫᐏᓂᐠ ᐁᑿ ᒦᒋᒥᑫᐏᓂᐠ ᐱᒧᒋᑫᐏᓇᐣ ᑮᐍᑎᓄᐠ Ontario᙮ ᐅᑯᒫᐏᓂᐠ ᐑᒋᐦᐄᐍᐏᓂᐠ ᑕᑿᐣ ᒥᔒᓂᐘᔦᐠ ᑑᑕᒧᐃᓇᐣ ᐋᔮᑿᓯᒥᐍᐏᓇᐣ, ᔓᓂᔮᐏᓂᐠ ᐁᑿ ᒪᓈᒋᒋᑫᐏᓂᐠ, ᒫᐘᑐᐘᓯᓇᐦᐄᑫᐏᓂᐠ ᐁᑿ ᓈᓈᑲᒋᐑᑕᒫᑫᐏᓂᐠ, ᒣᒣᒋᑳᒋᑫᐏᓂᐠ, ᐅᓈᑯᓂᑫᐘᓯᓇᐦᐄᑫᐏᓂᐠ ᐁᑿ ᒫᑕᓄᐦᑮᐏᓂᐠ, ᒫᐘᐨ ᑫ˙ᐄᔑᑭᓂᐱᓭᐠ ᓈᑲᒋᒋᑫᐏᐣ ᐑᒋᐦᐄᐍᐏᐣ᙮ ᐁᒁᐨ, OMAFRA ᐅᐑᑕᓄᐦᑮᒫᐚᐣ ᐯᔓᐨ MNDM ᒋᑿᔮᑎᓇᒧᐚᒋᐣ ᒥᔒᓂᐘᔦᐠ ᑫᐏᒋᐑᒋᐦᑐᐚᒋᐣ ᐊᐦᑮᐏᑭᐡᑎᑫᐏᓂᐠ, ᓂᐲᐏᑭᐡᑎᑫᐏᓂᐠ ᐁᑿ ᒦᒋᒥᐦᑫᐏᓂᐠ᙮

········ ·········

········ ·· ····· Ontario


ᑮᐍᑎᓄᐠ Ontario ᑲᔮᔑᐱᒫᑎᓱᐏᓇᐣ ᑳᑲᓇᐍᐣᑕᒧᐚᐨ ᔓᓂᔮᐏᓂᐠ (NOHFC) ᐅᑯᒫᐏᐣ ᐅᑑᒋᓃᑳᓂᑲᓇᐚᐸᒥᑯᐚᐣ ᐄᑵᓂᐘᐣ (MNDM) ᐊᒦᑕᐡ ᒣᒁᐨ ᐁᑐᑕᒧᐚᐨ ᐁᐑᒋᐦᐋᐚᒋᐣ ᒋᐱᒥᑭᐠ ᐘᐍᓇᒋᑫᐏᐣ ᑮᐍᑎᓄᐠ Ontario ᐄᒫ ᐅᒋ ᑫᑑᒋᑳᑌᐠ ᐊᓄᐦᑮᐏᓂᐠ ᐅᓇᒋᑫᐏᓇᐣ ᒫᒋᑖᐏᓂᐠ ᒋᐑᒋᐦᐄᐍᓭᐠ ᑫᐏᒋᐍᓅᑎᓯᐚᐨ ᐊᐏᔭᐠ ᐁᑿ ᑕᔒᑫᐏᓇᐣ᙮ ᒫᒋᓭᐸᐣ ᐊᐦᐱᐣ 2013, NOHFC ᐋᔕ ᐅᑮᐊᐦᓵᐚᐣ $12.7 million ᒥᓂᑯᐠ ᔓᓂᔮᓇᐣ ᒋᐸᔭᑭᓇᒧᐚᐨ 25,500 acres ᒥᓂᑯᐠ ᐊᐦᑮᓂ ᑮᐍᑎᓄᐠ Ontario ᐊᐦᑮᐏᑭᐡᑎᑫᐏᐣ ᒋᒪᐡᑲᐑᒪᑲᐠ ᐁᑿ ᒋᐱᒥᑭᐠ ᐊᐦᑮᐏᑭᐡᑎᑫᐏᐣ ᐱᒧᒋᑫᐏᐣ᙮ ᔓᓂᔮᐏᐑᒋᐦᐄᐍᐏᐣ ᑮᐏᒋᐑᒋᐦᐋᑲᓄᐘᐠ ᓃᔢ ᒥᑖᓱᒥᑕᐣ ᓃᔑᑕᐣ ᐊᐦᑮᐏᑭᐡᑎᑫᐠ ᑳᐱᒼᐸᐣᑢᐚᐨ ᐁᑮᐹᑿᑲᒥᐠᑐᐚᐨ ᐁᑿ ᐊ"ᐁᑮᐸᐡᑿᐦᐄᑫᐚᐨ᙮ OMAFRA ᐅᑕᓄᐦᑮᐠ ᑳᑮᔮᐚᐨ ᑮᐍᑎᓄᐠ Ontario ᐯᔓᐨ ᐅᑮᑕᓄᐦᑮᒫᐚᐣ NOHFC ᐁᑿ NOHFC ᐅᑮᐑᒋᐦᐋᐚᐣ ᐊᐦᑮᐏᑭᐡᑎᑫᐏ ᐅᓇᐦᒋᑫᐠ ᑮᐍᑎᓄᐠ NOHFC and the NOHFC ᒥᔒᓌᔦᐠ ᐱᒧᒋᑫᐏᓂᐠ᙮


ᐅᑵᓂᐘᐣ ᑌᑊᐤᑕᒧᐏᓇᐣ ᐱᒥᐣᔕᐦᐊᒪᓂᐣ, ᓂᑲᐑᑕᓄᐦᑮᒫᒥᓇᐠ ᑳᐑᑕᓄᐦᑮᒫᔮᑿ ᒋᐏᓇᐦᑐᔮᐠ ᐁᑿ ᒋᒫᒋᑐᔮᐠ ᑫᑐᒋᑳᑌᐠ ᒋᑕᔑᑲᐡᑭᒋᑳᑌᑭᐣ ᑳᐄᔑᐸᑯᓭᓄᒥᓈᓂᐘᐠ᙮

  • ᓂᐦᐢᑕᐏᓂᑳᑌ ᐁᑿ ᑑᒋᑳᑌ ᐸᐦᑫᐦᐄ ᑌᐱᓂᑫᐏᓇᐣ, ᒋᒥᓄᓭᑭᐣ ᐱᒥᑯᐏᓇᐣ ᐁᑿ ᐊᐦᑮᐏ ᐸᔭᑕᑭᓱᐏᐣ᙮
  • ᒫᒪᔭᑭᑐᓇᐣ ᑌᑎᐸᐦᐄ ᐊᓄᐦᑮᐏᓇᐣ ᐁᑿ ᒪᐡᑲᐏᑐᓇᐣ ᑮᐍᑎᓄᐠ ᒦᒋᒥᑫᐏ ᐱᒧᒋᑫᐏᓇᐣ᙮
  • ᒪᐏᓀᐦᐄᑫᐣ ᒋᑲᑵᐸᑭᓈᑫᔭᐣ ᒦᒋᒥᑫᐏᓂᐠ ᓇᐦᐄᐏᐣ᙮
  • ᓈᓇᑭᓇᓂᐣ ᑌᐱᓂᑫᐏᓇᐣ ᐅᐡᑭ ᐁᑿ ᒣᒁᐨ ᐄᑵᓂᐘᐠ ᑳᐑᑕᐅᐦᑮᒪᑢ᙮

ᒐᑳᓯᑲᐣ 3.0 ᒥᐃᑵᐏᐣ ᐘᐍᓇᒋᑫᐏᐣ ᐅᔑᐲᐦᐄᑫᐏᓇᐣ ᐄᒫ ᐸᐦᑳᐣ ᑫᑐᒋᑳᑌᐠ

 ····· 3.0 ····· ······· ········· ·· ···· ······

ᐄᐡᑿᔮᐨ ᐄᑭᑐᐏᐣ

ᐊᐦᑮᐏᑭᐡᑎᑫᐏᐣ, ᓂᐲᐏᑭᐡᑎᑫᐏᐣ ᐁᑿ ᒦᒋᒥᑫᐏᐣ ᐱᒧᒋᑫᐏᓇᐣ ᑮᐍᑎᓄᐠ Ontario ᐅᑿᔮᑎᓈᓈᐚ ᐊᓄᐦᑮᐏᓇᐣ, ᐱᒧᒋᑫᓭᐠ ᐊᓄᐦᑮᐏᐣ ᐁᑿ ᐑᒋᐦᐄᐍᓭ ᐁᐱᒥᑭᐠ ᒪᐢᑲᐏ ᒦᒋᒥᑫᐏᐣ ᐱᒧᒋᑫᐏᐣ ᐯᔓᐨ ᐁᑿ ᑌᑎᐸᐦᐄ᙮ ᐅᑯᒫᐏᐣ ᐅᓂᓯᑕᐏᓈᓇᐣ ᑌᐱᓂᑫᐏᓇᐣ ᐁᑿ ᐋᓂᒥᓭᐏᓇᐣ ᑳᐄᓭᑭᐣ ᐄᒫ ᐸᐦᑫᐦᐄ ᐁᑿ ᐁᐚᐸᑕᒧᐚᐨ ᐅᓇᒋᑫᐏᓇᐣ ᐄᒫ ᐸᐦᑫᐦᐄ ᑫᑐᒋᑳᑌᐠ ᑫᐏᒋᐱᒫᒋᐦᐅᐚᐨ ᐄᒫ ᐄᐍ ᐱᒥᑭᐠ᙮ ᐅᐱᒼᐸᒋᑫᐠ, ᐅᑯᒫᐏᐣ ᐑᒋᐦᐄᐍᐏᐣ, ᑌᐱᓂᑫᐏᐣ ᐄᔑᐚᐸᒋᑳᑌᐠ ᐁᑿ ᐑᑕᓄᐦᑮᒥᑐᓈᓂᐘᐠ, ᒥᓯᐍ ᐅᑯᒫᐏᓂᓈᐠ ᑌᐻᑕᒧᐏᐣ ᑐᒋᑳᑌᐠ, ᑫᑐᒋᑳᑌᐠ ᑕᐡ ᑕᐑᒋᐦᐄᐍᓭ ᒪᓈᒋᒋᑫᐏᐣ ᑫᐏᒋᔓᓂᔮᑫᓭᐠ ᐁᑿ ᐅᓈᑯᓂᑫᐏᓇᐣ ᐁᑿ ᐑᒋᐦᐄᑯᓱᐏᓇᐣ ᐅᓇᐦᒋᑳᑌᑭᐣᒋᐏᒋᐑᒋᐦᐄᐍᓭᐠ ᐄᒫ ᐸᐦᑳᐣ ᐱᒥᑭᐠ᙮ ᑫᑐᒋᑳᑌᐠ ᑕᐑᑕᒫᑫᒪᑲᐣ ᑲᔦ ᑫᐄᔑᒥᓄᐑᒌᐏᑐᓈᓂᐘᐠ ᐄᒫ ᐱᒥᑭᐠ ᐸᐦᑫᐦᐄᓈᐠ, ᑫᒋᓈᐨ ᐱᒧᒋᑫᐏᓇᐣ ᒋᒦᓈᐚᒋᐣ ᑕᔒᑫᐏᓇᐣ ᑳᐄᔑᓇᑕᐍᐣᑕᒧᐚᒋᓂᐨ᙮ ᑲᑭᓇ ᐊᐏᔭᐠ ᑕᐑᒋᑢᐘᐠ ᑫᑐᒋᑳᑌᐠ ᑫᐏᒋᒥᓄᓭᐠ ᐁᑿ ᒋᑐᒋᑳᑌᑭᐣ ᑌᐱᓂᑫᐏᓇᐣ ᑫᐏᒋᐊᐘᔑᒣ ᒪᐡᑲᐏᓰᒪᑲᐠ ᐁᑿ ᓈᓇᑭᒋᑳᑌᐠ᙮

ᐋᐣ ᑫᐏᒋᑕᔑᒋᑳᑌᑭᐣ ᐅᔑᐲᐦᐄᑲᓇᐣ ᐁᑿ ᒦᓇ ᑫᔭᐦᓂᑐᒋᑳᑌᐠ

ᐊᑭᑎᓂᑳᑌᐦ ᐅᐍ ᑕᔓᒋᑫᐏ ᐅᔑᐲᐦᐃᑲᓇᐣ ᐊᒦᐍ ᓂᐡᑕᒼ ᐊᐦᐱᐣ ᐅᓇᐦᒋᑳᑌᐠ ᑮᐍᑎᓄᐠ Ontario ᐊᐦᑮᐏᑭᐡᑎᑫᐏᐣ, ᓂᐲᐏᑭᐡᑎᑫᐏᐣ ᐁᑿ ᒦᒋᒥᑫᐏᐣ ᐱᒧᒋᑫᐏᓇᐣ ᐸᐨᑳᐣ ᑫᑐᒋᑳᑌᐠ᙮ ᓂᓅᑌᐘᐸᑕᒥᓇᐣ ᒋᐊᔭᒥᐣᒋᑳᑌᑭᐣ ᑲᑵᑎᐍᐏᓇᐣ ᐁᑿ ᑯᑕᑭᔭᐣ ᐁᑿ ᐄᓀᐣᑕᒧᐏᓇᐣ ᑳᒧᐃᓭᑭᐣ᙮

ᐊᐏᔭᐠ ᑳᐑᓈᐣᑕ ᐄᑭᑐᐚᐨ ᐅᓇᒋᑫᐏᓂᐠ ᑫᑐᒋᑳᑌᐠ ᒥᔒᓂᐘᔦᐠ ᑕᑮᐏᒋᑐᑕᒧᐘᐠ:

ᒪᒫᑖᐚᐱᑯᐠ ᐅᒋᒪᓯᓇᐦᐄᑫᐨ northernagrifood@ontario.ca

ᐄᔓᑑᐨ ᑫᐅᐍ ᐄᒫ OMAFRA ᒪᓯᓇᐦᐄᑫᐏᑲᒥᑯᐠ

ᐊᓯᓇᐦᐄᑲᐣ / ᐄᔑᐣᔕᐦᐄᑲᐣ ᐄᒫ

1 Stone Road West

2nd Floor NE

Guelph, Ontario

N1G 4Y2

ᒪᒌᑭᑐᓂᒪᓯᓇᐦᐄᑫᐁᐏᓂᐠ: (519) 826-4328

OMAFRA ᐅᑲᑿᔮᑎᓇᒷᐚᐣ ᐊᐏᔭᐣ ᐄᑭᑐᐏᓇᐣ ᑳᑮᔑ ᒫᐘᑐᓇᐊᒧᐚᒋᐣ ᑲᑭᓇ ᐊᐏᔭᐠ ᐱᑯ ᐋᐣᑎ ᑳᐏᒋᑭᑐᐚᑵᐣ᙮ ᐊᐦᐲ ᑕᐡ ᓂᐡᑕᒼ ᐅᓇᒋᑫᐏᐣ ᑫᑐᒋᑳᑌᐠ ᐊᐦᑮᐏᑭᐡᑎᑫᐏᐣ, ᓂᐲᐏᑭᐡᑎᑫᐏᐣ ᐁᑿ ᒦᒋᒥᑫᐏᐣ ᐱᒧᒋᑫᐏᓇᐣ ᐄᒫ ᐸᐦᑫᐦᐄ ᑮᐍᑎᓄᐠ Ontario ᐁᐘᐍᓇᒋᑳᑌᐠ, ᑕᐚᑕᐦᐄᐍᓈᓂᐘᐣ ᑲᑭᓇ ᐊᐏᔭ ᒋᑮᐚᐸᑕᐠ ᐄᒫ Ontario ᐊᐦᑮᐏ ᒧᐡᑭᓀᐲᐦᐄᑫᐏᓂᐠ᙮ ᑕᑿᔮᑎᓂᑳᑌ ᐅᐍ ᓂᐡᑕᒼ ᑫᑐᒋᑳᑌᐠ ᒋᒣᒣᒋᑳᒋᑳᑌᐠ ᐊᒦ ᐁᐄᓀᐣᑕᒫᐠ ᒣᒁᐨ ᓃᐱᐠ 2016᙮

ᐄᐡᑿᔮᐨ ᑕᐡ ᑮᐍᑎᓄᐠ Ontario ᐊᐦᑮᐏᑭᐡᑎᑫᐏᐣ, ᓂᐲᐏᑭᐡᑎᑫᐏᐣ ᐁᑿ ᒦᒋᒥᑫᐏᐣ ᐱᒧᒋᑫᐏᓇᐣ ᑫᑐᒋᑳᑌᐠ ᑕᐑᒋᐦᐄᐍᓭ ᐊᐦᐱᐣ ᐱᒥᒫᒌᑳᑌᐠ ᐅᐍ ᐱᒥᑭᐠ ᐅᓇᒋᑫᐏᐣ ᑮᐍᑎᓄᐠ Ontario᙮

ᐊᔓᒋᐑᑕᒫᑫᐏᓇᐣ 1: ᐱᒥᑭᐠ ᐅᓇᒋᑫᐏᓇᐣ ᑮᐍᑎᓄᐠ Ontario – ᒥᓯᐍ ᐄᔑᑲᓇᐚᐸᒋᑳᑌ

ᑫ˙ᐄᔑᐱᒥᑭᐠ ᐅᓇᒋᑫᐏᓇᐣ ᑮᐍᑎᓄᐠ Ontario ᑫᑐᒋᑳᑌᐠ ᐄᔑ ᐅᐃᐲᐦᐄᑳᑌ ᑫᐏᒋᐑᒋᐦᐄᐍᓭᐠ ᐅᓀᐣᒋᑳᑌᐠ ᐁᑿ ᒫᐘᒋᒋᑳᓂᐘᐠ ᔓᓂᔮᐏᓂᐠ ᐅᓇᒋᑫᐏᓂᐠ ᑮᐍᑎᓄᐠ Ontario ᐊᐘᔑᒣ ᓃᔑᑕᓇ ᓂᔮᓄᔖᐳᔭᐦᑭ ᒥᐣᑯᐠ᙮

ᐅᐍ ᐅᓇᐦᒋᑫᐏᐣ ᐅᓇᐦᒋᑫᒪᑲᐣ ᒋᐑᒋᐦᐄᐍᓭᐠ ᐄᒫ ᐊᓄᐦᑮᓈᐠ, ᐑᒌᐏᑐᐏᓂᐠ ᐁᑿ ᓇᑐᒥᓄᓭᐏᐣ ᐊᐘᔑᒣ ᑫᑐᒋᑳᑌᐠ, ᐁᑿ ᑲᔦ ᐊᐘᔑᒣ ᒋᑌᐱᓂᑳᑌᑭᐣ ᒥᔒᐣ ᑫᑯᓇᐣ ᑲᐡᑭᑕᒫᓱᐏᓇᐣ ᑮᐍᑎᓄᐠ᙮ ᐅᓇᐦᒋᑫᐏᐣ ᐅᐍ ᒋᐏᒋᐱᒥᑮᒪᑲᐠ ᒥᔒᓂᐘᔦᐠ ᑮᐍᑎᓄᐠ ᐊᓄᐦᑮᐏᓇᐣ, ᒪᐡᑲᐏᑳᐸᐑᒪᑲᑭᐣ ᑕᔒᑫᐏᓇᐣ, ᐸᔭᑲᐠ ᐊᐦᑭᐠ ᐁᑿ ᒋᓂᑖᐘᓄᐦᑮᐚᐨ ᐅᑕᓄᐦᑮᐠ᙮

ᐅᓇᐦᒋᑫᐏᐣ ᓂᑯᑤᔁᔦᐠ ᐄᔑᑲᓇᐚᐸᒋᑳᑌ: ᐊᓄᐦᑮᐏᓂᐠ, ᐊᐏᔭᐠ, ᑕᔒᑫᐏᓇᐣ, ᐘᐍᓇᒋᑫᐏᓇᐣ, ᐊᐦᑮᐏᐱᒪᐋᒋᐦᐅᐃᐣ ᐁᑿ ᐊᓂᔑᓈᐯᐠ᙮

ᐄᒫ ᑕᐡ ᐊᓄᐦᑮᐏᓂᐠ, ᐅᑯᒫᐏᐣ ᐅᑲᑲᓇᐚᐸᑖᐣ ᑮᐍᑎᓄᐠ Ontario ᐋᐣᑎ ᐁᐄᔑᒪᐡᑲᐏᑳᐸᐑᒪᑲᓂᑵᐣ ᒫᐘᐨ ᐄᒫ ᓃᑳᓀᐣᑕᒧᐏᐣ ᑳᐄᔑᐚᐸᒋᑳᑌᐠ ᐊᓄᐦᑮᐏᓈᐠ᙮

  1. ᑲᑮᑖᐏᐏᐡᒋᑫᐏᓇᐣ
  2. ᐊᐦᑮᐏᑭᐡᑎᑫᐏᐣ, ᓂᐲᐏᑭᐡᑎᑫᐏᐣ ᐁᑿ ᒦᒋᒥᑫᐏᐣ ᐱᒧᒋᑫᐏᓇᐣ
  3. ᒪᓯᓈᐏᒋᑫᐏᓇᐣ, ᑲᔮᔑᐱᒫᑎᓱᐏᐣ ᐁᑿ ᑲᑮᑕᐏ ᐱᒧᒋᑫᐏᓇᐣ
  4. ᒪᒫᑖᐚᐱᑯ ᐊᓄᐦᑮᐏᓇᐣ
  5. ᓅᑖᑎᑵᐏᐣ ᐁᑿ ᐍᓅᒋ ᓅᑖᑎᑵᐏ ᐱᒧᒋᑫᐏᓇᐣ
  6. ᒣᓄᔮᐏᐣ ᓈᓈᑲᒋᒋᑫᐏᓇᐣ ᑭᑭᓄᐦᐊᒫᑫᐏᓂᐠ ᐁᑿ ᐊᓄᐦᑮᐏᓂᐠ
  7. ᐊᓯᓃᐠ ᐸᐦᑫᐦᐄ ᐁᑿ ᐅᓄᑕᓯᓃᐍᐠ ᐋᐸᒋᑖᐏᓇᐣ ᐁᑿ ᐑᒋᐦᐄᐍᐏᓇᐣ
  8. ᓈᓈᐱ ᐱᒼᐸᐣᒋᑫᐏ ᐑᒋᐦᐄᑯᓱᐏᓇᐣ
  9. ᐚᐸᑕᐦᐄᐍᐏᓇᐣ ᐅᑮᐏᑫᐠ ᑳᐲᔖᐚᐨ ᐅᒫ
  10. ᐱᒪᐦᐅᑖᓱᐏᓇᐣ, ᐱᒥᓭᐏᓇᐣ ᐁᑿ ᒪᒫᑕᐏᐱᒫᓯᒋᑲᓇᐣ
  11. ᓂᐲᐏᒪᒫᑖᐚᐱᑰᐣ ᐁᑿ ᐑᒋᐦᐄᐍᐏᓇᐣ

ᐊᓄᐦᑮᐏᐏᓇᐦᒋᑫᐏᓇᐣ ᑫᑐᒋᑳᑌᑭᐣ ᐅᑵᓄᐘᐣ ᑳᐊᔮᑭᐣ ᐁᑿ ᑫᔭᓂ ᒪᐡᑲᐏᒧᐠᐡᑳᒪᑲᑭᐣ ᐊᓄᐦᑮᐏᓇᐣ ᐸᐦᑫᐦᐄ ᑕᑲᓇᐚᐸᒋᑳᑌᐘᐣ ᑌᐱᓂᑫᐏᓇᐣ:

  1. ᒪᐡᑲᐏᑑᓇᐣ ᐑᑕᓄᐦᑮᒥᑐᓇᐣ ᐅᐱᒧᒋᑫᐠ, ᐅᐱᒼᐸᐣᒋᑫᐠ, ᑭᑭᓄᐦᐊᒫᑫᐏᓇᐣ ᐁᑿ ᓈᓈᑲᑕᐍᐣᒋᑫᐏᓇᐣ, ᐊᓄᐦᑮᐏ ᐅᓇᐦᒋᑫᐏᓇᐣ ᐱᒧᒋᑫᐏᓇᐣ ᐁᑿ ᑮᐍᑎᓄᐠ ᑕᔒᑫᐏᓇᐣ
  2. ᐲᔑᐠ ᐊᐏᔭᐠ ᑫᐑᒋᑢᐚᐨ ᔓᓂᔮᐏᐸᑭᑌᓂᑫᐏᓂᐠ ᑫᐏᒋᔓᓂᔮᑫᐚᐨ ᑲᔦ ᑫᐑᓇᐚ
  3. ᐱᒥᑭᑑᐠ ᐁᑿ ᒥᒋᑯᓇᐣ ᑳᒪᐡᑲᐑᒪᑲᑭᐣ ᐱᒧᒋᑫᐏᓇᐣ, ᐄᑵᓂᐘᐣ ᑲᔦ ᑳᒫᒌᐣᔕᐦᐄᑲᑌᑭᐣ ᒋᐊᑖᐍᓈᓂᐘᐠ ᐁᑿ ᐹᐸᐦᑳᐣ ᐊᓄᐦᑮᐏᐱᒧᒋᑫᐏᓇᐣ ᐅᐡᑑᑭᐣ ᒕᒋ ᑌᐱᐣᑫᐏᐣ ᑕᑿᐠ
  4. ᓇᐦᑯᑕᐦᓂᐣ ᑳᐄᔑᓇᑕᐍᐣᒋᑳᑌᑭᐣ ᑫᑯᓇᐣ ᐁᑿ ᑌᐱᓂᑫᐏᓇᐣ ᐄᒫ ᐄᓀᑫ ᑭᑭᓄᐦᐊᒪᑫᐏᓂᐠ, ᐑᒋᐦᐄᐍᐏᓂᐠ ᐁᑿ ᑲᑵᑕᓄᐦᑮᐏᓂᐠ ᐑᒋᐦᐄᐍᐏᐣ
  5. ᐑᒋᑤᐠ ᓈᓈᑲᑕᐍᐣᒋᑫᐏᓇᐣ ᑮᐍᑎᓄᐠ Ontario ᑫᑯᓇᐣ ᒌᑕᒷᑲᓄᐚᐨ ᐅᐱᒧᒋᑫᐠ ᑳᐘᐍᓇᐦᒋᑫᐚᐨ
  6. ᐸᔭᑕᑭᑖᑯᑑᐠ ᐁᑿ ᒋᑭᔒᓭᐠ ᐄᐍ ᐅᑯᒫᐏᓂᐠ ᐅᓈᑯᓂᑫᐏᓇᐣ ᐁᑿ ᐅᓈᑯᓂᑫᐏ ᐅᔑᐲᐦᐄᑫᐏᓇᐣ
  7. ᒫᒪᐏᓇᐣ ᐸᐦᑫᐦᐄ ᐱᓯᐣᑕᒧᐏᓇᐣ ᐄᒫ ᐊᓄᐦᑮᐏᓂᐠ ᓇᑕᐤᐍᐣᑕᒧᐏᓂᐠ ᐁᑿ ᐅᓇᐦᒋᑫᐏᓂᐠ

ᐅᐍ ᐅᓇᐦᒋᑫᐏᐣ ᒫᒪᐅ ᐅᑎᔑ ᐚᐸᑖᓈᐚ ᐊᐏᔭᐠ ᑮᐍᑎᓄᐠ ᑳᐊᔮᐚᐨ ᐁᑿ ᐅᑯᒫᐏᓂᐠ ᐁᑿ ᒋᐑᒋᐱᒧᓭᒥᑐᐚᐨ ᑯᑕᑮᐠ ᐅᑯᒫᐏᓂᐠ ᐁᑿ ᑌᑎᐸᐦᐄ ᒫᒋᑖᐏᓇᐣ ᑳᐏᒋᐑᒋᐦᐄᐍᓭᓂᐠ ᑭᓄᐍᐡ ᒋᐱᒥᓭᐠ ᐅᐍ ᐊᓄᐦᑭ"ᐏᓇᐣ ᐁᑿ ᐍᓄᑎᓱᐏᐣ ᑮᐍᑎᓄᐠ Ontario᙮

ᐊᔑᒋᐑᑕᒫᑫᐏᓇᐣ ᓃᔑᐣ: ᐅᑯᒫᐏᓂᐠ ᐑᒋᐦᐄᐍᐏᓇᐣ

ᐅᑯᒫᐏᓂᐠ ᐑᒋᐦᐄᑯᓱᐏᓇᐣ

ᐱᒥᑭᐏᐣ ᓃᑳᓃᐠ ᓃᔑᐣ ᐱᒧᒋᑫᐏᐣ ᑫᐏᒋᒪᒋᓭᐠ ᐑᒋᐦᐄᑯᓱᐏᓇᐣ (Agricorp)

ᐅᑭᐡᑎᑫᐏᓂᓂᐘᐠ ᑳᐱᒼᐸᐣᑢᐚᐨ

Ontario Trillium ᐅᓇᐦᒋᑫᐏᐣ ᐱᒧᒋᑫᐏᓇᐣ

ᐅᑯᒫᐏᓂᐠ ᐑᒋᐦᐄᐍᐏᓇᐣ ᐱᒧᒋᑫᐏᓇᐣ


For more information:
Toll Free: 1-877-424-1300
E-mail: ag.info.omafra@ontario.ca